«LRT – جەمقورلىق ەسكەرتكىشى» تاقىرىبىندا ۇيىمداستىرىلعان ميتينگتىڭ قورىتىندىسىندا پارتيا بەلسەندىلەرى جەمقورلىقتىڭ مەملەكەتتى كۇيرەتەتىنىن، ادامدار اراسىنداعى سەنىمدىلىكتى ازايتاتىنىن، مەملەكەتتىك ينستيتۋتتارعا دەگەن سەنىمدى جوياتىندىعىن ءمالىم ەتتى.
"پاراقورلىقپەن كۇرەس كەزىندە، اسىرەسە ساياسي دەڭگەيدە، باتىل شارالار قولدانىلماسا، قازاقستان تۇراقتى دامۋ جولىنا تۇسە المايدى دەپ ەسەپتەيمىز. جەمقورلىقتىڭ ەڭ باستى توسقاۋىلى رەتىندە حالىقتىق پارلامەنتتىك باقىلاۋ جاساقتاۋدى، قالا ازاماتتارى قالالىق شەشىمدەردى قابىلداي الاتىنداي پلەبيسيت ينستيتۋتىن ەنگىزۋدى، مەملەكەتتىك ورگانداردىڭ قايتالاناتىن فۋنكسيالارىن ءبىرىنشى باسشىلاردىڭ تولىق دەربەس جاۋاپكەرشىلىگىمەن قىسقارتۋدى تالاپ ەتەمىز"، – دەدى پارتيا مۇشەلەرى.
بۇدان بولەك ورتالىق جانە جەرگىلىكتى اتقارۋ ورگاندارىندا بارلىق دەڭگەيدەگى دەپۋتاتتار مەن شەنەۋنىكتەردىڭ كىرىس-شىعىسى تۋرالى مىندەتتى جاريا دەكلاراسيانى شۇعىل تۇردە ەنگىزۋ قاجەت. جەمقورلارمەن ناتيجەلى كۇرەستىڭ جالعىز قارۋى - نەگىزسىز بايۋعا قارسى قىلمىستىق باپ ەنگىزۋدى دە كۇن تارتىبىنە كىرگىزۋ مىندەت.
"جەمقورلىق قىلمىس جاساعانى ءۇشىن مەرزىمىنەن بۇرىن بوساتۋ قۇقىعىنسىز بارىنشا ۇزاق مەرزىمگە جازالاۋدى. سىبايلاس جەمقورلىق تاۋەكەلدەرىن بولدىرماۋ ماقساتىندا ءار 5 جىل سايىن جاۋاپتى لاۋازىمداردى اتقاراتىن مەملەكەتتىك جانە ساياسي قىزمەتشىلەردى روتاسيالاۋدى تالاپ ەتەمىز"، – دەدى جسدپ.
