Senat depýtaty Darhan Qydyráli Qazaqstanda qasietti oryndarda qaltaly adamdar jerlenip jatqanyn ashyq aitty, - dep habarlaidy Dalanews.kz.
Senatordyń sózinshe, keibir kóne qorymdardyń orny tipti bazarǵa ainalyp ketken.
"Sansyz babtar mekeni Sairamda qasterli oryndar qaraýsyz jatyr. 8-9 ǵasyrdan qalǵan kóne qorymnyń bir shetin bazar basyp barady", - deidi senator.
Ol Ibrahim ata, Qarashash ana, Qyzyr haziret siiaqty tarihi-rýhani nysandardy saqtaý qajet ekenin, bul úshin kóne Sairam men Sozaqtaǵy rýhani eskertkishterdi saqtaý isin Túrkistandaǵy "Áziret Sultan" qoryq-murajaiyna tapsyrýdy usyndy.
Odan bólek Senat depýtaty Mańǵystaý men Ulytaý oblystaryndaǵy júgensizdikter týraly aitty.
"Jeti jurt kóshken mańǵaz mekendegi qorymdardyń qorshaý aýmaǵyna zańsyz qurylystar, beiitter salynyp ketken. Aiyppuly nebári 30 myń teńge ǵana! Ulytaýda Joshy kesenesiniń janyna áldebir qaltaly jaqynyn jerlep ketken, endi nysandy IýNESKO tizimine engizý múmkin bolmai tur.
Kieli jerler shyraqshylardyń kún kóris kózine, baqsy-balgerlerdiń ordasyna ainalǵan. Olardyń keibiri tarihi oryndy saqtap otyrǵanymen, arnaiy bilim, ereje-qaǵidattary men standarty joq. Tipti ultqa uran bolǵan Beket ata - jekeniń menshiginde! Pir Beket - bir qazaqtyń aibary emes, ol - bar qazaqtyń bairaǵy! Halyqtyń rýhani qalpyn qalyptastyrǵan mundai tulǵalar mekeni qundylyq retinde memleket qaraýynda bolýy tiis!" - dedi ol.
