سەنات دەپۋتاتى دارحان قىدىرەلٸ قازاقستاندا قاسيەتتٸ ورىنداردا قالتالى ادامدار جەرلەنٸپ جاتقانىن اشىق ايتتى, - دەپ حابارلايدى Dalanews.kz.
سەناتوردىڭ سٶزٸنشە, كەيبٸر كٶنە قورىمداردىڭ ورنى تٸپتٸ بازارعا اينالىپ كەتكەن.
"سانسىز بابتار مەكەنٸ سايرامدا قاستەرلٸ ورىندار قاراۋسىز جاتىر. 8-9 عاسىردان قالعان كٶنە قورىمنىڭ بٸر شەتٸن بازار باسىپ بارادى", - دەيدٸ سەناتور.
ول يبراھيم اتا, قاراشاش انا, قىزىر حازٸرەت سيياقتى تاريحي-رۋحاني نىسانداردى ساقتاۋ قاجەت ەكەنٸن, بۇل ٷشٸن كٶنە سايرام مەن سوزاقتاعى رۋحاني ەسكەرتكٸشتەردٸ ساقتاۋ ٸسٸن تٷركٸستانداعى "ەزٸرەت سۇلتان" قورىق-مۇراجايىنا تاپسىرۋدى ۇسىندى.
ودان بٶلەك سەنات دەپۋتاتى ماڭعىستاۋ مەن ۇلىتاۋ وبلىستارىنداعى جٷگەنسٸزدٸكتەر تۋرالى ايتتى.
"جەتٸ جۇرت كٶشكەن ماڭعاز مەكەندەگٸ قورىمداردىڭ قورشاۋ اۋماعىنا زاڭسىز قۇرىلىستار, بەيٸتتەر سالىنىپ كەتكەن. ايىپپۇلى نەبەرٸ 30 مىڭ تەڭگە عانا! ۇلىتاۋدا جوشى كەسەنەسٸنٸڭ جانىنا ەلدەبٸر قالتالى جاقىنىن جەرلەپ كەتكەن, ەندٸ نىساندى يۋنەسكو تٸزٸمٸنە ەنگٸزۋ مٷمكٸن بولماي تۇر.
كيەلٸ جەرلەر شىراقشىلاردىڭ كٷن كٶرٸس كٶزٸنە, باقسى-بالگەرلەردٸڭ ورداسىنا اينالعان. ولاردىڭ كەيبٸرٸ تاريحي ورىندى ساقتاپ وتىرعانىمەن, ارنايى بٸلٸم, ەرەجە-قاعيداتتارى مەن ستاندارتى جوق. تٸپتٸ ۇلتقا ۇران بولعان بەكەت اتا - جەكەنٸڭ مەنشٸگٸندە! پٸر بەكەت - بٸر قازاقتىڭ ايبارى ەمەس, ول - بار قازاقتىڭ بايراعى! حالىقتىڭ رۋحاني قالپىن قالىپتاستىرعان مۇنداي تۇلعالار مەكەنٸ قۇندىلىق رەتٸندە مەملەكەت قاراۋىندا بولۋى تيٸس!" - دەدٸ ول.
