Premer-mınıstr Oljas Bektenov jergilikti joldarǵa da basa mán berýdi tapsyrdy, dep habarlaıdy Dalanews.kz.
«Jergilikti joldarǵa da basa mán berý kerek. Oblystyq jáne aýdandyq joldardy kúrdeli jóndeýge qomaqty qarajat bólinýde. Onyń ishinde respýblıkalyq búdjetten de qarastyrylǵan. Alaıda, keıbir óńirlerde, jergilikti búdjetten qarjylandyrý kólemi jetkiliksiz bolyp otyr. Atap aıtqanda, bul – Batys Qazaqstan, Soltústik Qazaqstan jáne Abaı oblystaryna da qatysty másele. Turǵyndar joldardyń sapasyna narazy»,dep atap ótti Oljas Bektenov.
Ótken jyly azamattardan joldar men kósheler máselesine qatysty resmı túrde 40 myńnan astam aryz-shaǵym kelip túsken.
«Óńirlerde jol ınfraqurylymyn jańǵyrtý jumystarynda qurylys tehnologıalaryn saqtamaý jáne merzimderdi keshiktirý baıqalyp otyr. Ákimder bul máselelerdi baqylaýǵa alýǵa tıis. Kólik aǵynyn basqarý isine zamanaýı IT-tehnologıalar men jasandy ıntellektti engizý qajet», dep atap ótti Oljas Bektenov.
Máseleni qaraý qorytyndysy boıynsha tıisti tapsyrmalar berildi.
