پرەمەر-مينيستر ولجاس بەكتەنوۆ جەرگىلىكتى جولدارعا دا باسا ءمان بەرۋدى تاپسىردى، دەپ حابارلايدى Dalanews.kz.
«جەرگىلىكتى جولدارعا دا باسا ءمان بەرۋ كەرەك. وبلىستىق جانە اۋداندىق جولداردى كۇردەلى جوندەۋگە قوماقتى قاراجات بولىنۋدە. ونىڭ ىشىندە رەسپۋبليكالىق بيۋدجەتتەن دە قاراستىرىلعان. الايدا، كەيبىر وڭىرلەردە، جەرگىلىكتى بيۋدجەتتەن قارجىلاندىرۋ كولەمى جەتكىلىكسىز بولىپ وتىر. اتاپ ايتقاندا، بۇل – باتىس قازاقستان، سولتۇستىك قازاقستان جانە اباي وبلىستارىنا دا قاتىستى ماسەلە. تۇرعىندار جولداردىڭ ساپاسىنا نارازى»،دەپ اتاپ ءوتتى ولجاس بەكتەنوۆ.
وتكەن جىلى ازاماتتاردان جولدار مەن كوشەلەر ماسەلەسىنە قاتىستى رەسمي تۇردە 40 مىڭنان استام ارىز-شاعىم كەلىپ تۇسكەن.
«وڭىرلەردە جول ينفراقۇرىلىمىن جاڭعىرتۋ جۇمىستارىندا قۇرىلىس تەحنولوگيالارىن ساقتاماۋ جانە مەرزىمدەردى كەشىكتىرۋ بايقالىپ وتىر. اكىمدەر بۇل ماسەلەلەردى باقىلاۋعا الۋعا ءتيىس. كولىك اعىنىن باسقارۋ ىسىنە زاماناۋي IT-تەحنولوگيالار مەن جاساندى ينتەللەكتتى ەنگىزۋ قاجەت»، دەپ اتاپ ءوتتى ولجاس بەكتەنوۆ.
ماسەلەنى قاراۋ قورىتىندىسى بويىنشا ءتيىستى تاپسىرمالار بەرىلدى.
