Jol qurylysy materialdarynyń sapasyn baqylaý – joldyń uzaq merzim qyzmet etýiniń negizgi kepili. Osy maqsatta «Jol aktivteri sapasynyń ulttyq ortalyǵy» RMK Almaty qalalyq filialynyń injenerleri asfaltbeton zaýytynda tekserý jumystaryn júrgizip, jol qurylysyna paidalanylatyn materialdardan synama aldy, dep habarlaidy Dalanews.kz
Mamandar asfalt qospasynyń quramy men sapalyq kórsetkishteriniń belgilengen talaptarǵa sáikestigin anyqtaý úshin birneshe úlgi jinady. Alynǵan synamalar arnaiy zerthanaǵa jiberilip, onda fizika-mehanikalyq kórsetkishteri boiynsha keshendi saraptamadan ótedi. Zerthanalyq tekseris nátijesinde materialdardyń beriktigi, temperatýralyq tózimdiligi jáne jol tósemine jaramdylyǵy anyqtalady.
«Jol qurylysyna qoldanylatyn materialdardyń sapasy talapqa sai bolýy kerek. Eger asfalt qospasy standarttarǵa sáikes kelmese, joldyń qyzmet etý merzimi qysqaryp, túrli aqaýlar paida bolýy múmkin. Sondyqtan biz zaýyttan alynǵan synamalardy zerthanalyq tekserýden ótkizip, olardyń normativtik talaptarǵa sáikestigin muqiiat baqylaimyz», – dedi Dáýren Qajmuqanov.
Mamandardyń aitýynsha, zerthanalyq baqylaý jol qurylysy kezinde sapasyz materialdardy der kezinde anyqtaýǵa múmkindik beredi. Bul óz kezeginde joldardyń qaýipsizdigi men uzaq merzimdiligin arttyrýǵa yqpal etedi.
