Joldaýdy júzege asyrý barshanyń ortaq isi
Maqtaaral aýdany ákimi Baqyt Asanov tóraǵalyq etken jiynǵa aýdan ardagerleri, qala, kent, aýyl ákimderi, aýdandyq máslihat depýtattary, aýdannyń quqyq qorǵaý jáne atqarýshy organdary, aýmaqtyq basqarma, bilim, mádeniet, densaýlyq saqtaý mekemeleriniń basshylary, etno-mádeni ortalyqtar, qoǵamdyq jáne úkimettik emes uiym, ziialy qaýym, BAQ ókilderi qatysty.
Birinshi bolyp sózge shyqqan oblys ákiminiń orynbasary Meiirjan Iiabaiuly Prezidenttiń Joldaýyndaǵy basym baǵyttar men mejelengen josparlardy oryndaý, damyǵan elderdiń arasynda básekelestikke qabiletti bolý máselelerine toqtaldy. Sonyń ishinde, ásirese, kásipkerlik, salaýatty ómir saltyn nasihattaý, mádeniet, aýyl sharýashylyǵy salalarynda atqarylǵan jáne atqarylatyn jumystar jóninde baiandama jasady.
Jiyn barysynda baiandama jasaǵan oblystyq aqparattyq-nasihattyq toptyń músheleri Erjan Panov pen Almasbek Qojahmet jastarǵa Joldaýda júktelgen negizgi mindetter men atqarylar jumystardyń barysy, bilim máseleleri týraly keńinen túsindirdi.
Kezdesýdi qorytyndylaǵan aýdan ákimi Baqyt Nasyrhanuly Joldaýda júktelgen mindetterdi sapaly oryndap, júzege asyrýda maqtaaraldyqtardyń aianyp qalmaityndyǵyn aityp, memlekettik saiasatty aýdan turǵyndary árqashan qoldaityndyǵyn jetkizdi.
– Respýblika Prezidentiniń Qazaqstan halqyna Joldaýynda qoiylǵan jáne odan týyndaityn mindetterdi oryndaý jalǵyz atqarýshy biliktiń ǵana emes, barlyq memlekettik organdardyń, menshik túrine qaramastan kásiporyndardyń, mekemelerdiń, uiymdardyń, bir sózben aitqanda, búkil jurtshylyqtyń, barlyǵymyzdyń ortaq isimiz. Árbirimiz óz ornymyzda belsendi áreket jasasaq, naqty is atqarsaq, Joldaýdaǵy mejeler eńseriletini sózsiz. Men barlyǵyńyzdy Joldaýdy oryndaýǵa baǵyttalǵan belsendi áreketter jasaýǵa shaqyramyn! – dedi aýdan basshysy.
Aita keteiik, Maqtaaral aýdanynda 13 arnaiy nasihattyq top qurylyp, olar aýdanymyzdyń barlyq eldi mekenderinde turǵyndarmen júzdesip, Joldaýdyń mán-mazmunyn túsindirýde.
Maqtaaral aýdany ákiminiń baspasóz qyzmeti
