Joldaý ǵylym men bilim salasynyń mańyzdy aspektilerin tolyqtai qamtydy
Memleket basshysy qashyqtan oqytý formaty boiynsha aqparattyq júielerdiń sapasyn jaqsartýdy, bilim qoljetimdi ári inkliýzivti bolýy tiis ekenin atap ótti.
Sońǵy ýaqyttary álemde ózekti bolyp otyrǵan inkliýzivti bilim berýdi damytý úshin halyqtyń fizikalyq, psihikalyq, intellektýaldyq, mádeni, etnikalyq, lingvistikalyq jáne basqa erekshelikterine qaramastan, olarǵa bilim alýǵa teń quqyqtardy qamtamasyz etý mańyzdy ekenin kórip otyrmyz.
Mektepterde oryn jetispeýshiligi máselesin sheshýde 2025 jyldyń sońyna deiin 1000 mektep salý mindeti qoiyldy. Balalardyń sapaly bilim alyp, jan-jaqty damýy úshin qolaily jaǵdaida tárbielenýi kerek. Eger biz jastardyń sapaly bilim alyp, jan-jaqty damýyn qalasaq, balalar tiisti jaǵdaida tárbielenýi kerek, bul – búgingi zamannyń talaby desek bolady.
Búginde atqarylyp jatqan jumystardyń otdandyq bilim berý júiesiniń damýyna qyzmet etetini sózsiz.
Biyl pedagogikalyq mamandyqtarǵa túsýshilerdiń kontingenti aitarlyqtai ósti. Bizder QR Prezidentiniń salalyq kadrlardy qoldaý jónindegi saiasatyn kúsheitetin bolamyz. Bizdiń mindetimiz – halyqaralyq deńgeide suranysqa ie mamandardy tárbieleý. Joǵary oqý oryndarynyń basshylary úshin bul naqty jáne ashyq jumysty talap etetin jaýapty mindet. Bilim salasyndaǵy innovatsiialyq ózgeristerge daiyn bolýymyz kerek.
Eldiń jetekshi pedagogikalyq ýniversitetiniń basshysy retinde bul sharalardyń barlyǵy el ekonomikasyn nyǵaityp qana qoimai, damýǵa jańa serpin beretinine senimdimin. Qazir álemdi kapital emes, ony quratyn adamdar basqarady. Bizdiń mindetimiz – halyqaralyq deńgeide suranysqa ie mamandardy tárbieleý.
Prezident Qasym-Jomart Toqaev Joldaýynda ǵylym men bilim salasyndaǵy mańyzdy aspektilerge toqtalyp, pedagogtardyń jalaqysyn arttyrýǵa qosymsha qarajat bólinetinin aitty.
2021 jyldyń qańtarynan bastap pedagog qyzmetkerlerdiń jalaqysy 25%-ǵa ósti. Bizdiń sala úshin taǵy bir mańyzdy qoldaýdyń biri – ǵylymi granttardy iske asyrý merziminiń 3 jyldan 5 jylǵa deiin ulǵaitylýy, bul ǵylymnyń odan ári damýyna sózsiz yqpal etedi.
Abai ýniversitetiniń ujymy Memleket basshysynyń Qazaqstan halqyna Joldaýynda qoiylǵan barlyq mindetterdi júzege asyrý boiynsha júieli jumystar júrgizýdi josparlap otyr.
Darhan BILÁLOV, «Abai atyndaǵy QazUPÝ» Basqarma tóraǵasy-rektor
