مەملەكەت باسشىسى قاشىقتان وقىتۋ فورماتى بويىنشا اقپاراتتىق جۇيەلەردىڭ ساپاسىن جاقسارتۋدى، ءبىلىم قولجەتىمدى ءارى ينكليۋزيۆتى بولۋى ءتيىس ەكەنىن اتاپ ءوتتى.
سوڭعى ۋاقىتتارى الەمدە وزەكتى بولىپ وتىرعان ينكليۋزيۆتى ءبىلىم بەرۋدى دامىتۋ ءۇشىن حالىقتىڭ فيزيكالىق، پسيحيكالىق، ينتەللەكتۋالدىق، مادەني، ەتنيكالىق، لينگۆيستيكالىق جانە باسقا ەرەكشەلىكتەرىنە قاراماستان، ولارعا ءبىلىم الۋعا تەڭ قۇقىقتاردى قامتاماسىز ەتۋ ماڭىزدى ەكەنىن كورىپ وتىرمىز.
مەكتەپتەردە ورىن جەتىسپەۋشىلىگى ماسەلەسىن شەشۋدە 2025 جىلدىڭ سوڭىنا دەيىن 1000 مەكتەپ سالۋ مىندەتى قويىلدى. بالالاردىڭ ساپالى ءبىلىم الىپ، جان-جاقتى دامۋى ءۇشىن قولايلى جاعدايدا تاربيەلەنۋى كەرەك. ەگەر ءبىز جاستاردىڭ ساپالى ءبىلىم الىپ، جان-جاقتى دامۋىن قالاساق، بالالار ءتيىستى جاعدايدا تاربيەلەنۋى كەرەك، بۇل – بۇگىنگى زاماننىڭ تالابى دەسەك بولادى.
بۇگىندە اتقارىلىپ جاتقان جۇمىستاردىڭ وتداندىق ءبىلىم بەرۋ جۇيەسىنىڭ دامۋىنا قىزمەت ەتەتىنى ءسوزسىز.
بيىل پەداگوگيكالىق ماماندىقتارعا تۇسۋشىلەردىڭ كونتينگەنتى ايتارلىقتاي ءوستى. بىزدەر ق ر پرەزيدەنتىنىڭ سالالىق كادرلاردى قولداۋ جونىندەگى ساياساتىن كۇشەيتەتىن بولامىز. ءبىزدىڭ مىندەتىمىز – حالىقارالىق دەڭگەيدە سۇرانىسقا يە مامانداردى تاربيەلەۋ. جوعارى وقۋ ورىندارىنىڭ باسشىلارى ءۇشىن بۇل ناقتى جانە اشىق جۇمىستى تالاپ ەتەتىن جاۋاپتى مىندەت. ءبىلىم سالاسىنداعى يننوۆاسيالىق وزگەرىستەرگە دايىن بولۋىمىز كەرەك.
ەلدىڭ جەتەكشى پەداگوگيكالىق ۋنيۆەرسيتەتىنىڭ باسشىسى رەتىندە بۇل شارالاردىڭ بارلىعى ەل ەكونوميكاسىن نىعايتىپ قانا قويماي، دامۋعا جاڭا سەرپىن بەرەتىنىنە سەنىمدىمىن. ءقازىر الەمدى كاپيتال ەمەس، ونى قۇراتىن ادامدار باسقارادى. ءبىزدىڭ مىندەتىمىز – حالىقارالىق دەڭگەيدە سۇرانىسقا يە مامانداردى تاربيەلەۋ.
پرەزيدەنت قاسىم-جومارت توقايەۆ جولداۋىندا عىلىم مەن ءبىلىم سالاسىنداعى ماڭىزدى اسپەكتىلەرگە توقتالىپ، پەداگوگتاردىڭ جالاقىسىن ارتتىرۋعا قوسىمشا قاراجات بولىنەتىنىن ايتتى.
2021 جىلدىڭ قاڭتارىنان باستاپ پەداگوگ قىزمەتكەرلەردىڭ جالاقىسى 25%-عا ءوستى. ءبىزدىڭ سالا ءۇشىن تاعى ءبىر ماڭىزدى قولداۋدىڭ ءبىرى – عىلىمي گرانتتاردى ىسكە اسىرۋ مەرزىمىنىڭ 3 جىلدان 5 جىلعا دەيىن ۇلعايتىلۋى، بۇل عىلىمنىڭ ودان ءارى دامۋىنا ءسوزسىز ىقپال ەتەدى.
اباي ۋنيۆەرسيتەتىنىڭ ۇجىمى مەملەكەت باسشىسىنىڭ قازاقستان حالقىنا جولداۋىندا قويىلعان بارلىق مىندەتتەردى جۇزەگە اسىرۋ بويىنشا جۇيەلى جۇمىستار جۇرگىزۋدى جوسپارلاپ وتىر.
دارحان ءبىلالوۆ، «اباي اتىنداعى قازۇپۋ» باسقارما توراعاسى-رەكتور
