Joldaý básekege qabiletti ekonomikanyń basym baǵyttaryn anyqtady
Memleket basshysy Qasym-Jomart Toqaev halyqqa arnaǵan jańa joldaýynda ulttyq ekonomikanyń salalaryn tereń óńdeýge kóshý baǵyttaryn damytýǵa, sý jáne kólik ministrlikteri qurylatynyn atap kórsetti.
Prezident joldaýynda kóterilgen máseleler Turaqty damýdyń barlyq 17 baǵytyn qamtydy.
Joldaýda negizinen qurlyqtyń ekojúielerin jáne sý resýrstaryn utymdy paidalaný, klimattyń ózgerýi, inkliýzivtik ósý jáne ekonomikalyq ózgerister, jahandyq seriktestik, resýrstardy jumyldyrý, tehnologiialar, áleýetti arttyrý, saýda máselesine basymdyq berildi.
Joldaýda kórsetilgen joǵary oqý oryndaryndaǵy bilim sapasyn álemdik deńgeige sai jetildirý qajettiligin ómirdiń ózi talap etkenin aita kele, Prezident bizdiń bolashaq damýymyz bilim salasynda innovatsiia jetistikterin keńinen paidalanýǵa bailanysty ekenin basa aitty. Ásirese bilim berý salasyndaǵy kóptegen ózgerister joǵary oqý oryndaryndaǵy kúrdeli de sheshimin kútetin ǵylymi máselelerdi anyqtap berdi. Joldaýda sonyń ornyn tolyqtyrýdy usyna otyryp, daiarlanatyn mamandardyń oqýyna, úzdiksiz bilim alý jáne ǵylym jetistikterin keńinen ulttyq ekonomikaǵa engizýdiń tetikterin jetildirýdiń mańyzdylyǵyna toqtaldy. Qazirgi kezde basqarýdyń zamanaýi ádis-tásilderin meńgergen mamandarǵa degen qajettilik kúnnen-kúnge artyp keledi. Ál-Farabi atyndaǵy Qazaq ulttyq ýniversiteti búginde Qazaqstanda ǵana emes, sheteldik ýniversitetter qatarynda da básekege qabiletti ekenin moiyndatyp otyr.
Joldaýda qoiylǵan naqty mindetter QazUÝ-da básekege qabiletti mamandar daiarlaýdyń jańa bilim berý baǵdarlamalaryn júzege asyrýǵa jańa múmkindikterge jol ashpaq.
Qazirdiń ózinde ýniversitettiń Menedjment kafedrasynda Bolon úderisine sáikes, álemdik suranys talaptaryna sai keletin úsh deńgeide bilim berý baǵdarlamalary júzege asyrylyp keledi. Osy baǵdarlamalar nátijesinde búgingi tańda ýniversitet sheteldiń joǵary oqý oryndarymen tyǵyz bailanys ornatqan jáne de bilim berý baǵdarlamasy standartyna sai, bilimgerlerdiń shetelde óz bilimin shyńdaýǵa múmkindik berip otyr.
Stýdentter, magistranttar, doktoranttar AQSh (Vashington), Italiia, Niderlandy, Polsha, Resei (RÝDN), Chehiia memleketteriniń ýniversitetterinde bilim almasý boiynsha akademiialyq taǵylymdamadan ótýde. Qazaqstan Respýblikasy Ǵylym jáne joǵary bilim ministrliginiń 2023-2025 jyldarǵa arnalǵan ǵylymi jáne ǵylymi-tehnikalyq jobalaryn granttyq qarjylandyrý konkýrsynda 75 jobany ýniversitetimiz jeńip aldy, sonyń ishinde Menedjment kafedrasynyń ǵalymdary úsh jobanyń avtorlary bolyp otyr.
Ekonomika jáne biznes joǵary mektebinde teoriialyq jáne qoldanbaly pánderdi oqytý ýniversitettik bilim berýdiń akademiialyq dástúrli rýhynda joǵary deńgeide júzege asyrylýda. Ýniversitet deńgeiinde joǵary bilikti kadrlardy daiarlaýdyń úzdik otandyq dástúrine súiene otyryp, fakýltet memlekettik qyzmet úshin kadrlar daiarlaýdyń álemdik jetekshi ortalyqtarynyń standarttaryna sáikes keletin stýdentterdiń quzyrettilikterin qalyptastyrýǵa umtylýda.
Menedjment kafedrasynyń professor-oqytýshylary Memleket basshysynyń el ekonomikasyn jan-jaqty taldap, damýdyń strategiiasyn kórsetken joldaýyn qoldai otyryp, ony iske asyrý baǵytynda júieli jumystar atqara bermek.
Ońalbek ABRALIEV, Menedjment kafedrasynyń professory, ekonomika ǵylymynyń doktory
