Qazaqstanda Memleket basshysynyń ár jylǵy Joldaýy – eldiń aldaǵy damý baǵytyn aiqyndaityn strategiialyq qujat. Byltyrǵy Joldaý da ekonomikalyq reformalarǵa, halyqtyń ál-aýqatyn kóterýge jáne áleýmettik saladaǵy túitkilderdi sheshýge basymdyq bergen edi. Araǵa bir jyl salyp, sol tapsyrmalardyń qalai oryndalǵanyna kóz júgirtsek. Saiasattanýshy Qazbek Maigeldinov birqatar naqty nátijelerdi atady,- dep habarlaidy Dalanews.kz
Onyń aitýynsha, Joldaýdaǵy negizgi baǵyttar – biýdjettik tártipti kúsheitý, salyq reformasy, investitsiia tartý, jergilikti biznesti qoldaý jáne halyq tabysyn arttyrý.
«Sondyqtan osy baǵytta byltyr elimizdiń ekonomikalyq ósimin turaqtandyrýǵa, syrtqy investitsiia tartýǵa basty nazar aýdaryldy. Árine, infliatsiia máselesi ózekti bolyp qala berdi. Degenmen, Qazaqstandyq jahandyq investitsiialyq dóńgelek ústelde 7 mlrd dollardan astam investitsiialyq kelisimder jasaldy. Bul – sheteldik kapitaldyń elimizge senim bildirgenin kórsetedi», – deidi sarapshy.
Áleýmettik bastamalar iske qosyldy
Saiasattanýshy Joldaýda aitylǵan áleýmettik jobalardyń da júzege asqanyn atap ótti. Atap aitqanda, biylǵy jyldan bastap «Áleýmettik ámiian» pilottyq túrde engizilip, járdemaqylardy tsifrlyq ámiianǵa aýdarý bastaldy.
Sondai-aq, «Ulttyq qor – balalarǵa» baǵdarlamasy aiasynda búginde 7 millionǵa jýyq balanyń esepshotyna qarajat aýdarylǵan. Al otbasylyq tsifrlyq karta júiesi muqtaj otbasylardy qoldaý sharalaryn anaǵurlym tiimdi júzege asyrýǵa múmkindik berýde.
Bilim berý men aýylǵa qoldaý
Joldaýdaǵy basty baǵyttardyń biri – bilim berý salasyn damytý. «Jaily mektep» ulttyq jobasy aiasynda el boiynsha 200-den astam jańa úlgidegi mektep paidalanýǵa berilip, 500-den astam balabaqsha ashyldy.
«Bul ózgeristerdiń arqasynda bilim berý júiesinde naqty nátijelerge qol jetkizildi. Sonymen qatar, aýyl sharýashylyǵynda «Aýyl amanaty» jobasy júzege asyrylyp, aýyldyq okrýgterdegi shaǵyn nesie berý sharalary kóptegen otbasylarǵa qosymsha tabys kózine ainaldy», – deidi Qazbek Maigeldinov.
Áli de sheshimin kútken máseleler bar
Sarapshy keibir túitkildi máselelerdiń áli tolyq sheshilmegenin de jasyrmady. Onyń ishinde jer qatynastary, sý resýrstaryn tiimdi paidalaný, tarif saiasatyn jańartý qajettigi bar.
«Ár salada qiyndyqtar bolady. Jerdi zańsyz qaitaryp alý komissiiasy qurylǵanymen, bul baǵyttaǵy másele tolyq sheshilgen joq. Sý resýrstaryn paidalaný, ásirese tarifterdi jańartý – kún tártibinde turǵan mańyzdy baǵyt», – dep atap ótti saiasattanýshy.
Aldaǵy Joldaýdan ne kútemiz?
Qazbek Maigeldinovtiń oiynsha, biylǵy Joldaýda áleýmettik salaǵa, ásirese halyqtyń tabysyn arttyrýǵa erekshe kóńil bólinýi tiis.
«Aldaǵy Joldaýda baǵany turaqtandyrý, infliatsiiany aýyzdyqtaý jáne áleýmettik kómekke nazar aýdarylýy kerek. Zeinetaqy men jalaqyny arttyrý máselesi birinshi kezekte turǵany jón», – dedi ol.
