Aqtóbede asa iri mólsherde biýdjet qarajatyn jymqyrǵandar sottaldy, – dep habarlaidy Dalanews.kz.
Aktóbeniń №2 sotynda biýdjet qarajatyn asa iri mólsherde jymqyrý deregi boiynsha qylmystyq is qaraldy.
Tergeý barysynda Aqtóbe qalasynyń Jol qozǵalysy qaýipsizdigin qamtamasyz etý jáne tsifrlyq tehnologiialar ortalyǵynyń direktory jeke kásipkermen aldyn ala sóz bailasyp, memlekettik satyp alý aiasynda jol tańbalaryn salý boiynsha 272 mln teńgeden asa somaǵa jalǵan kelisimshart jasaǵany anyqtalǵan.
Alaida bul jumystar oryndalmaǵan, al urlanǵan qarajat qolma-qol aqshaǵa ainaldyrylǵan. Osylaisha memleketke asa iri mólsherde zalal keltirilgen.
Bul derek boiynsha QK 189-babynyń 4-bóligi 2) tarmaǵy boiynsha sotaldy tergeý júrgizilip, is sotqa joldanǵan.
Sot tapsyrys berýshini memlekettik qyzmette laýazym atqarý quqyǵynan ómir boiyna aiyra otyryp, oǵan 8 jylǵa bas bostandyǵynan aiyrý jazasyn taǵaiyndady, al merdigerge kásipkerlik qyzmetpen ainalysý quqyǵynan 10 jylǵa aiyra otyryp, 7 jylǵa bas bostandyǵynan aiyrý jazasyn taǵaiyndady.
Úkim zańdy kúshine engen joq.
