اقتٶبەدە اسا ٸرٸ مٶلشەردە بيۋدجەت قاراجاتىن جىمقىرعاندار سوتتالدى, – دەپ حابارلايدى Dalanews.kz.
اكتٶبەنٸڭ №2 سوتىندا بيۋدجەت قاراجاتىن اسا ٸرٸ مٶلشەردە جىمقىرۋ دەرەگٸ بويىنشا قىلمىستىق ٸس قارالدى.
تەرگەۋ بارىسىندا اقتٶبە قالاسىنىڭ جول قوزعالىسى قاۋٸپسٸزدٸگٸن قامتاماسىز ەتۋ جەنە تسيفرلىق تەحنولوگييالار ورتالىعىنىڭ ديرەكتورى جەكە كەسٸپكەرمەن الدىن الا سٶز بايلاسىپ, مەملەكەتتٸك ساتىپ الۋ اياسىندا جول تاڭبالارىن سالۋ بويىنشا 272 ملن تەڭگەدەن اسا سوماعا جالعان كەلٸسٸمشارت جاساعانى انىقتالعان.
الايدا بۇل جۇمىستار ورىندالماعان, ال ۇرلانعان قاراجات قولما-قول اقشاعا اينالدىرىلعان. وسىلايشا مەملەكەتكە اسا ٸرٸ مٶلشەردە زالال كەلتٸرٸلگەن.
بۇل دەرەك بويىنشا قك 189-بابىنىڭ 4-بٶلٸگٸ 2) تارماعى بويىنشا سوتالدى تەرگەۋ جٷرگٸزٸلٸپ, ٸس سوتقا جولدانعان.
سوت تاپسىرىس بەرۋشٸنٸ مەملەكەتتٸك قىزمەتتە لاۋازىم اتقارۋ قۇقىعىنان ٶمٸر بويىنا ايىرا وتىرىپ, وعان 8 جىلعا باس بوستاندىعىنان ايىرۋ جازاسىن تاعايىندادى, ال مەردٸگەرگە كەسٸپكەرلٸك قىزمەتپەن اينالىسۋ قۇقىعىنان 10 جىلعا ايىرا وتىرىپ, 7 جىلعا باس بوستاندىعىنان ايىرۋ جازاسىن تاعايىندادى.
ٷكٸم زاڭدى كٷشٸنە ەنگەن جوق.
