Prezıdent Joǵary Eýrazıalyq ekonomıkalyq keńestiń kelesi otyrysy 28-29 mamyrda Astanada ótetinin jetkizdi, dep habarlaıdy Dalanews.kz.
Qasym-Jomart Toqaev sózin qorytyndylaı kele, memleketter aldynda salmaqty sheshim men úılesimdi áreketti talap etetin kúrdeli mindetter turǵanyna nazar aýdardy.
Prezıdent kelesi jyly Eýrazıalyq ekonomıkalyq odaq organdaryna tóraǵalyq etý mısıasy Qazaqstan Respýblıkasyna ótetinin eske saldy. Memleket basshysy elimiz jańa tabysqa qol jetkizip, birlestik elderiniń ıgiligin eseleý úshin nátıjeli jumys júrgizýge nıetti ekenin jetkizdi.
Prezıdent Joǵary Eýrazıalyq ekonomıkalyq keńestiń kelesi otyrysy 28-29 mamyrda Astanada ótetinin jetkizdi.
Qasym-Jomart Toqaev uıym tóraǵasy mindetin tabysty atqarǵany úshin Belarýs Respýblıkasynyń Prezıdenti Aleksandr Lýkashenkoǵa alǵys aıtty.
Jıyn qorytyndysy boıynsha birqatar qujat qabyldandy.
