Úkimet Joǵary aýditorlyq palatanyń usynymy boiynsha memlekettik-jekeshelik áriptestik (MJÁ) jáne kontsessiia salasyndaǵy zańnamany jetildirý jóninde jańa sharalar qabyldady, dep habarlaidy Dalanews.kz.
"Buǵan deiin Joǵary aýditorlyq palata MJÁ jobalary men kontsessiialyq jobalardyń tiimdiligine memlekettik aýdit júrgizgen bolatyn. Nátijesinde olar boiynsha memlekettik mindettemelerdiń kólemi jekeshe áriptesterge qaraǵanda edáýir joǵary ekeni anyqtaldy. Jalpy somasy 1,4 trln teńge investitsiialarǵa (obektilerdi salý úshin) memleket 2 trln teńgeden astam shyǵystardy óteidi, bul - 1,4 ese kóp. Bul jekelegen jobalardyń qunynyń joǵary bolýyna, sondai-aq valiýtalyq táýekelderdi óteý, investitsiialar quramyna qaryzdardy qosý jáne t. b. siiaqty qoldaý mehanizmderine bailanysty. Jobalardyń kúrt qymbattaýyn boldyrmaý jáne biýdjetke túsetin júktemeni azaitý úshin Joǵary aýditorlyq palata Úkimetke kontsessiialyq jobalardy iske asyratyn jekeshe áriptesterge valiýtalyq táýekelderdi óteý tásilderin qaita qaraýdy usyndy", delingen palatanyń resmi habarlamasynda.
Nátijesinde "Memlekettik-jekeshelik áriptestik týraly" zańǵa tiisti ózgerister engizildi:
- endi árbir kelisimshartta valiýtalyq táýekelderdiń qalai bólinetini jáne olardy qalai óteýge bolatyny jazylýy tiis (mysaly, qaita qarjylandyrý arqyly).
Sonymen qatar Joǵary aýditorlyq palata Ulttyq ekonomika ministrligine memlekettik-jekeshelik áriptestik nysandaryn salý nemese qaita jańartý qunynyń, sondai-aq memlekettik qoldaýdyń jáne jekeshe áriptesterdiń shyǵyndaryn óteý kózderiniń esebin júrgizý ádistemesine jekelegen normalardy retteý bóliginde ózgerister engizýdi tapsyrdy.
"Endi qujatta memleket jekeshe áriptesterdiń shyǵyndaryn, onyń ishinde MJÁ nysanynyń injenerlik jáne tehnologiialyq jabdyqtaryn kútip-ustaýǵa, sondai-aq biregei jabdyqpen jumys isteýdi úiretýge arnalǵan shyǵyndaryn óteitini naqty jazylǵan. Atalǵan túzetýler ministrliktiń biylǵy 16 maýsymdaǵy buiryǵymen bekitildi. Olar MJÁ jobalary boiynsha shyǵyndar quramy men operatsiialyq shyǵystar kólemin aiqyndaý kezinde ekiushty túsindirýlerdi boldyrmaýǵa múmkindik beredi", dep naqtylaidy Joǵary aýditorlyq palata.
Buǵan
