Ainalasyn úrkitip-shoshytyp jatqan sarbazdyń mundai áreketi birinshi ret bolmaǵan sekildi. Áleýmettik jelide taraǵan videodan da muny ańǵarý ońai. Belgili bolǵandai, sarbazdyń esimi - Saiat. Ásker qataryna alynǵanyna bir aidai ýaqyt bolǵan. Ol Ulttyq qaýipsizdik komitetiniń shekara áskerleriniń sabynda. Videoda qasyndaǵy jas sarbazdyń Quran aiattaryn oqyǵannan keiin ersi qylyqtaryn tyiyp, talyp qalatynyn kórýge bolady.
Jyn shyǵarý isimen bes jyldan beri ainalysatyn Daniiar Ibrahimulynyń aitýynsha, oǵan jyn kirgen bolýy múmkin.
Daniiar IBRAHIMULY, "ShEIH KÝNTA QAJY" MEShITINIŃ NAIB IMAMY:
"Keibir siqyrlanǵan, jyn kirgen adam osyndai jaǵdaida bolady. Ol jynnyń áreketi basynda baqyryp-shaqyryp, janyndaǵy adamdardy qorqytýǵa tyrysady. Osy videodan sony ańǵaryp otyrmyz. Sondai shaitannyń áseri bary kórinip tur".
Dini qyzmetkerdiń, taǵy bir nusqasy bar. Sarbaz qoryqqanynan osyndai amaldy qoldanǵan bolýy da múmkin. Biraq, kesip aitýǵa bolmaidy dep qosty. Onyń anyq-qanyǵyn bilý úshin jeke jumys isteý kerek.
Daniiar IBRAHIMULY, "ShEIH KÝNTA QAJY" MEShITINIŃ NAIB IMAMY:
"Psihikalyq stress alyp, ózin joǵaltyp qoiyp, ne isterin bilmei mysaly úshin óziniń minezin kórsetip "mende jyn bar" degen sekildi kórsetip sondai jaǵdaiǵa da barýy múmkin".
Eger jyn kirgen bolsa, ony Quran súrelerimen oqyp shyǵarý ońai deidi, mamandar. Psihologtyń paiymynsha, jas sarbazdyń psihikalyq aqaýy bolýy da ǵajap emes. Áskerge shaqyrǵan kezde dárigerler ony meditsinalyq tekserýden durys ótkizbegen dep topshylaidy.
Vladislav SMIRNOV, PSIHOLOG:
"Dárigerler ásker qataryna alynatyn jigitterdi irikteý kezinde tolyqqandy tekserýi shart. Eger, sondai ózgeris bolsa sol jerde anyqtalady ǵoi, psihiatrdyń baqylaýy kerek edi. Bul jumystyń shalalyǵyn bildiredi. Qazir Qazaqstanda kadr jetispeidi. Sonyń ishinde áskeri adamdar. Sondyqtan bolar, densaýlyǵy jarasa da, jaramasa da alyp ketýge tyrysady".
Videony kórgen halyq jaǵasyn ustady. Keibiri, áskeri bólimdegi mamandardy kinálasa, ata-analar balalaryn áskerge jibergisi kelmeidi.
- Bul áskerdegi birinshi jaǵdai emes jáne sońǵysy da emes. Eger voenkomat balanyń sapasyn emes sany kerek dep topyrlatyp alyp kete beretin bolsa...
- Allam saqtasyn meniń balamda áskerge ketti endi ǵana ant qabyldady. Janym shyǵyp barady. Alla, aman bolsynshy!
- Burynnan bolǵany anyq. Qazir aqsaqty da soqyrdy da ala beredi aqshasyn berseń. Bizdiń elde jemqorlyq joiylmaiynsha bola beredi mundai. Qazir áskerde eshkimdi urmaidy, kaif qazir armiia. - Uryp sondai qylyp qoiǵan ǵoi. Soldatqa alǵanda sap-saý alady, uryp-soǵyp az bolsa óltiredi. Soldatqa barýǵa qashatyny osydan.
Jaǵdaiǵa birden-bir jaýapty Ulttyq qaýipsizdik komitetine tańnan beri habarlastyq. Biraq jaýap ala almadyq. Jaýap berýge ýaqyt tappady ma, álde ádeii osyndai áreketke bardy ma, ol jaǵy bizge belgisiz.
https://youtu.be/pe6x-umqojI
