Jylyoi aýdanynda mobildi toptar tasqyn sýdan zardap shekken úilerge keltirilgen zalaldy baǵalaý nátijelerimen tanystyrý jumystaryn bastady
Búgingi kúnge sý basqan 2700-ge jýyq úige tehnikalyq tekserý júrgizildi,-dep habarlaidy Dalanews.kz TJ jónindegi jedel shtabyna silteme jasap.
Jylyoi aýdanynyń ákimi Jumabek Qarajanovtyń aitýynsha, Jylyoi aýdanynyń Qulsary qalasynda 2700-ge jýyq úi tehnikalyq tekserýden ótti. Búgin, 15 mamyrda 100 astam úige qatysty tehnikalyq qorytyndy shyǵaryldy.
Qazirgi kezde Qulsary qalasyndaǵy sý basqan úilerdi kúrdeli jóndeýge qajet soma jáne avariialyq jaǵdaidaǵy úilerdi baǵlaý boiynsha soma naryqtyq quny negizinde esepteledi. Keltirilgen zalaldy baǵalaýdyń nátijeleri kún saiyn shyǵarylyp, ol týraly habarlamalardy turǵyndarǵa Qulsarynyń yqsham aýdandarynda qurylǵan mobildi toptardyń músheleri taratyp otyrady. Baǵalaý nátijelerine kelisim bergen turǵyndar 2-3 kún ishinde ótemaqy alý jóninde jergilikti ákimdikke júgine alady,-dedi aýdan ákimi.
Zalaldardy baǵalaý nátijeleri jariialanǵan soń Jylyoi aýdanynyń ákimdigi qarajat tóleý boiynsha eki baǵytta jumys isteitin bolady:1. Úi jóndeýge jaramdy bolsa, jóndeýge qarajat tóleý, sondai-aq, zardap shekken múlikke ótemaqy tóleý. 2. Úi avariialyq jaǵdaida dep tanylǵanda. Memleket esebinen jańadan úi salý.
Taǵy bir joly – úi ielerine Qulsary qalasynan nemese Atyraý oblysy aýmaǵyndaǵy kez kelgen eldi mekennen turǵyn úi alyp berý. Sondai-aq, zardap shekken múlikke ótemaqy tóleý.
