جىلىوي اۋدانىندا ءموبيلدى توپتار تاسقىن سۋدان زارداپ شەككەن ۇيلەرگە كەلتىرىلگەن زالالدى باعالاۋ ناتيجەلەرىمەن تانىستىرۋ جۇمىستارىن باستادى
بۇگىنگى كۇنگە سۋ باسقان 2700-گە جۋىق ۇيگە تەحنيكالىق تەكسەرۋ جۇرگىزىلدى،-دەپ حابارلايدى Dalanews.kz تج جونىندەگى جەدەل شتابىنا سىلتەمە جاساپ.
جىلىوي اۋدانىنىڭ اكىمى جۇمابەك قاراجانوۆتىڭ ايتۋىنشا، جىلىوي اۋدانىنىڭ قۇلسارى قالاسىندا 2700-گە جۋىق ءۇي تەحنيكالىق تەكسەرۋدەن ءوتتى. بۇگىن، 15 مامىردا 100 استام ۇيگە قاتىستى تەحنيكالىق قورىتىندى شىعارىلدى.
قازىرگى كەزدە قۇلسارى قالاسىنداعى سۋ باسقان ۇيلەردى كۇردەلى جوندەۋگە قاجەت سوما جانە اۆاريالىق جاعدايداعى ۇيلەردى باعلاۋ بويىنشا سوما نارىقتىق قۇنى نەگىزىندە ەسەپتەلەدى. كەلتىرىلگەن زالالدى باعالاۋدىڭ ناتيجەلەرى كۇن سايىن شىعارىلىپ، ول تۋرالى حابارلامالاردى تۇرعىندارعا قۇلسارىنىڭ ىقشام اۋداندارىندا قۇرىلعان ءموبيلدى توپتاردىڭ مۇشەلەرى تاراتىپ وتىرادى. باعالاۋ ناتيجەلەرىنە كەلىسىم بەرگەن تۇرعىندار 2-3 كۇن ىشىندە وتەماقى الۋ جونىندە جەرگىلىكتى اكىمدىككە جۇگىنە الادى،-دەدى اۋدان اكىمى.
زالالداردى باعالاۋ ناتيجەلەرى جاريالانعان سوڭ جىلىوي اۋدانىنىڭ اكىمدىگى قاراجات تولەۋ بويىنشا ەكى باعىتتا جۇمىس ىستەيتىن بولادى:1. ءۇي جوندەۋگە جارامدى بولسا، جوندەۋگە قاراجات تولەۋ، سونداي-اق، زارداپ شەككەن مۇلىككە وتەماقى تولەۋ. 2. ءۇي اۆاريالىق جاعدايدا دەپ تانىلعاندا. مەملەكەت ەسەبىنەن جاڭادان ءۇي سالۋ.
تاعى ءبىر جولى – ءۇي يەلەرىنە قۇلسارى قالاسىنان نەمەسە اتىراۋ وبلىسى اۋماعىنداعى كەز كەلگەن ەلدى مەكەننەن تۇرعىن ءۇي الىپ بەرۋ. سونداي-اق، زارداپ شەككەن مۇلىككە وتەماقى تولەۋ.
