Helios Airways ەۋە كومپانيياسىنىڭ 522-رەيسٸنە قاتىستى اپات گرەكييا ازاماتتىق اۆياتسيياسى تاريحىنداعى ەڭ اۋىر قايعىلى وقيعالاردىڭ بٸرٸ رەتٸندە ەستە قالدى, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
2005 جىلدىڭ تامىزىندا كيپردەن ۇشقان Boeing 737 لاينەرٸ ەلەمدٸك اۆياتسييا تاريحىنداعى ەڭ ٷرەيلٸ وقيعالاردىڭ بٸرٸنە اينالدى. بورتتا 121 ادام بولعان ۇشاق بٸرنەشە ساعات بويى اۆتوپيلوتپەن ۇشىپ, ەكيپاج بەن جولاۋشىلار ەس-تٷسسٸز كٷيدە قالعان. بايلانىسقا شىقپاعان لاينەر اسپاندا ٷنسٸز قالىقتاپ, ديسپەتچەرلەر ٷشٸن ناعىز "ەلەس ۇشاققا" اينالدى.
قايعىلى جاعدايدىڭ العاشقى سەبەبٸ ۇشاق ەۋەگە كٶتەرٸلمەي تۇرىپ-اق باستالعان. لارناكا ەۋەجايىندا تەحنيكالىق ماماندار گەرمەتيزاتسييا جٷيەسٸن تەكسەرۋ كەزٸندە قىسىم باسقارۋ تەتٸگٸن قول رەجيمٸنە اۋىستىرعان. الايدا تەكسەرٸس اياقتالعان سوڭ ونى قايتا اۆتوماتتى رەجيمگە قويماعان. ۇشۋ الدىنداعى تەكسەرٸس كەزٸندە ەكيپاج دا بۇل قاتەنٸ بايقاماي, لاينەر ەۋەگە اقاۋلى كٷيدە كٶتەرٸلگەن.
ۇشاق بيٸكتٸك الا باستاعاننان كەيٸن كٶپ ۇزاماي كابينادا ەسكەرتۋ دابىلى قوسىلعان. بٸراق ۇشقىشتار بۇل بەلگٸنٸ گەرمەتيزاتسييا جٷيەسٸندەگٸ مەسەلە دەپ ەمەس, ۇشۋعا دايىندىق كونفيگۋراتسيياسىنا قاتىستى ەسكەرتۋ دەپ قابىلداعان. وسى ۋاقىتتا سالونداعى وتتەگٸ دەڭگەيٸ تٶمەندەپ, بورتتاعى ادامدار بٸرتٸندەپ گيپوكسيياعا ۇشىراي باستاعان.
كٶپ ۇزاماي ۇشقىشتار دا, جولاۋشىلار دا ەسٸنەن تانىپ قالعان. ال Boeing 737 اۆتوپيلوت ارقىلى باعىتىن جالعاستىرىپ, گرەكييا ەۋە كەڭٸستٸگٸنە كٸرگەن. ۇشاق ديسپەتچەرلەرمەن بايلانىسقا شىقپاي, افينا ماڭىندا اينالىپ ۇشا بەرگەن.
بايلانىس ٷزٸلگەن سوڭ گرەكييا ەسكەري-ەۋە كٷشتەرٸنٸڭ ەكٸ F-16 جويعىش ۇشاعى كٶككە كٶتەرٸلدٸ. ەسكەري ۇشقىشتار لاينەرگە جاقىنداعاندا, سالوندا جەنە كابينادا ادامداردىڭ قوزعالىسسىز وتىرعانىن, ال وتتەگٸ ماسكالارى تٶمەن تٷسٸپ تۇرعانىن كٶرگەن.
كەيٸن كابينا ٸشٸندە قوزعالىس بايقالعان. بۇل – ستيۋارد اندرەاس پرودرومۋ ەدٸ. ول تاسىمالداناتىن وتتەگٸ باللونىن پايدالانىپ, ٶزگەلەرگە قاراعاندا ەسٸن ۇزاق ساقتاعان. شاعىن اۆياتسييا ۇشاعىن باسقارۋعا رۇقساتى بولعان اندرەاس كومانديرلەردٸ وياتۋعا تىرىسىپ, ەسكەري ۇشقىشتارعا بەلگٸ بەرگەن. الايدا اۋىر جولاۋشىلار لاينەرٸن باسقارۋعا ونىڭ دايىندىعى جەتكٸلٸكسٸز ەدٸ.
اقىرى ۇشاقتاعى جانارماي تاۋسىلىپ, Boeing گرامماتيكو اۋىلى ماڭىنداعى تاۋعا سوعىلدى. اپات ورنىنا جەتكەن قۇتقارۋشىلار تٸرٸ قالعان ادامدى تاپپادى.
تەرگەۋ قورىتىندىسى بويىنشا, قايعىلى وقيعاعا ادام فاكتورى سەبەپ بولعان. گەرمەتيزاتسييا جٷيەسٸنٸڭ دۇرىس باپتالماۋى, ۇشۋ الدىنداعى تەكسەرٸستەگٸ سالعىرتتىق جەنە دابىل بەلگٸسٸن قاتە تٷسٸنۋ 121 ادامنىڭ ٶمٸرٸن قيدى.
بۇل اپات اۆياتسييا سالاسىنا اۋىر ساباق بولدى. وقيعادان كەيٸن بٸرقاتار ەلدەردە ەكيپاج بەن تەحنيكالىق قىزمەت ماماندارىنىڭ ٶزارا ەرەكەت تەرتٸبٸ, سونداي-اق ۇشۋ الدىنداعى تەكسەرٸس تالاپتارى قايتا قارالدى.
