Ol úshin, eń aldymen HQO-ǵa kezekti onlain brondaisyz. Brondy rastaý úshin HQO-ǵa 20 minýt erte kelý qajet. Budan keiin HQO operatoryna kelesi qujattardy usynýyńyz qajet:
- Satyp alý- satý kelisimshartynyń 2 danasyn jasasyńyz:
- Múliktiń tehnikalyq pasporty;
- Múlik menshigine quqyq beretin qujattar (satýshy tarapynan);
- Nekede bolsa, eki taraptyń da jubaiynyń notariýs arqyly rásimdelgen kelisimi;
- Eger jyljymaityn múlik qurylys kompaniiasynan satyp alynatyn bolsa, qosymsha:
- Satý jónindegi sheshim;
- Satyp alýshy nekede bolsa, notariýs arqyly jubaiynyń rásimdelgen kelisimi.
«Qyzmet alýshy HQO-ǵa daiyn kelisimshartpen kelýi qajet. Kelisim-shartta mindetti túrde jyljymaityn múliktiń barlyq sipattamasy (aýdany, qabaty, páter nómiri, kadastr nómiri jáne basqa da tehnikalyq sipattamalary) kórsetilýi tiis», - deidi «Azamattarǵa arnalǵan úkimet» memlekettik korporatsiiasy Almaty qalasy filialynyń PR-menedjeri Jańyl Ápetova.
Onyń aitýynsha, jyljymaityn múlikti qurylys kompaniiasynan alǵan jaǵdaida, HQO-ǵa kompaniia ókili keletin bolsa, kelisimshartta onyń aty-jóni kórsetilýi qajet. Eger olai bolmaǵan jaǵdaida, kelisimshartqa qol qoiýshy, iaǵni kompaniia direktory, direktorlyqqa taǵaiyndalǵany jaiynda buiryqpen HQO-ǵa ózi keledi.
Qyzmet quny (turǵyn úi úshin) - 1 202 teńge.
Qyzmet quny turǵyn úiden basqa jyljymaityn múlik túrleri úshin (qoima, avtoturaq t.b.) aýdanyna qarai ózgeredi.
Eger turǵyn úi jekejai bolsa, qyzmet quny ózgermeidi, biraq jer telimi jáne basqa da jekejai aýmaǵyndaǵy qurylys nysandary úshin qosymsha tólem jasalady.
Qyzmet kórsetý merzimi qujat tapsyrǵan kúndi esepke almaǵanda – 1 jumys kúni.
«Azamattarǵa arnalǵan úkimet» memlekettik korporatsiiasy Almaty qalasy boiynsha filialy
