ول ءۇشىن، ەڭ الدىمەن حقو-عا كەزەكتى ونلاين بروندايسىز. بروندى راستاۋ ءۇشىن حقو-عا 20 مينۋت ەرتە كەلۋ قاجەت. بۇدان كەيىن حقو وپەراتورىنا كەلەسى قۇجاتتاردى ۇسىنۋىڭىز قاجەت:
- ساتىپ الۋ- ساتۋ كەلىسىمشارتىنىڭ 2 داناسىن جاساسىڭىز:
- مۇلىكتىڭ تەحنيكالىق پاسپورتى؛
- مۇلىك مەنشىگىنە قۇقىق بەرەتىن قۇجاتتار (ساتۋشى تاراپىنان)؛
- نەكەدە بولسا، ەكى تاراپتىڭ دا جۇبايىنىڭ نوتاريۋس ارقىلى راسىمدەلگەن كەلىسىمى؛
- ەگەر جىلجىمايتىن مۇلىك قۇرىلىس كومپانياسىنان ساتىپ الىناتىن بولسا، قوسىمشا:
- ساتۋ جونىندەگى شەشىم؛
- ساتىپ الۋشى نەكەدە بولسا، نوتاريۋس ارقىلى جۇبايىنىڭ راسىمدەلگەن كەلىسىمى.
«قىزمەت الۋشى حقو-عا دايىن كەلىسىمشارتپەن كەلۋى قاجەت. كەلىسىم-شارتتا مىندەتتى تۇردە جىلجىمايتىن مۇلىكتىڭ بارلىق سيپاتتاماسى (اۋدانى، قاباتى، پاتەر ءنومىرى، كاداستر ءنومىرى جانە باسقا دا تەحنيكالىق سيپاتتامالارى) كورسەتىلۋى ءتيىس»، - دەيدى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىنىڭ PR-مەنەدجەرى جاڭىل اپەتوۆا.
ونىڭ ايتۋىنشا، جىلجىمايتىن مۇلىكتى قۇرىلىس كومپانياسىنان العان جاعدايدا، حقو-عا كومپانيا وكىلى كەلەتىن بولسا، كەلىسىمشارتتا ونىڭ ءاتى-جونى كورسەتىلۋى قاجەت. ەگەر ولاي بولماعان جاعدايدا، كەلىسىمشارتقا قول قويۋشى، ياعني كومپانيا ديرەكتورى، ديرەكتورلىققا تاعايىندالعانى جايىندا بۇيرىقپەن حقو-عا ءوزى كەلەدى.
قىزمەت قۇنى (تۇرعىن ءۇي ءۇشىن) - 1 202 تەڭگە.
قىزمەت قۇنى تۇرعىن ۇيدەن باسقا جىلجىمايتىن مۇلىك تۇرلەرى ءۇشىن (قويما، اۆتوتۇراق ت.ب.) اۋدانىنا قاراي وزگەرەدى.
ەگەر تۇرعىن ءۇي جەكەجاي بولسا، قىزمەت قۇنى وزگەرمەيدى، ءبىراق جەر تەلىمى جانە باسقا دا جەكەجاي اۋماعىنداعى قۇرىلىس نىساندارى ءۇشىن قوسىمشا تولەم جاسالادى.
قىزمەت كورسەتۋ مەرزىمى قۇجات تاپسىرعان كۇندى ەسەپكە الماعاندا – 1 جۇمىس كۇنى.
«ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى بويىنشا فيليالى
