Jylyna 10-15 mektep salamyz – Altai Kólginov
Óz kezeginde qala basshysy elordada mektepter men áleýmettik nysandardyń jetispeýshiligi máselesi óte ózekti ekenin atap ótti.
– Osydan on jyl buryn bizde mektep jasyndaǵy 75 myń bala bolsa, byltyrǵy jyldyń qorytyndysy boiynsha – 220 myńnan asty. 2018-shi jyly tórt mektep, 2019-shy jyly – alty mektep, 2020-shy jyly – 11 mektep jáne byltyr – 16 mektep salyndy.
Úsh aýysymdy segiz mektepti, ony tórt aýsymǵa qysqarttyq. Bala toly 24 mektep boldy, olardyń sanyn 14-ke deiin qysqarttyq.
Aldaǵy ýaqytta bizder qurylys qarqynynan bir jylǵa da toqtatpaimyz. Mundai jaǵdaida bilim sapasyna áser etedi, sondyqtan bizder mektep salýdy jalǵastyra beremiz, – dep túsindirdi ákim.
Ákimniń aitýynsha, elordada jyl saiyn 10-15 mektep salý josparlanýda. Biyl 16 nysanda qurylys júrip jatyr. Jyl sońyna deiin 11 mektep paidalanýǵa beriledi.
– Mektep qurylysyn qarjylandyrýdyń úsh kózi bar. Barlyǵyn tek biýdjet esebinen sheshý qiyn. Biz respýblikalyq biýdjet arqyly qurylys júrgizip jatyrmyz, kelesi kóz – memlekettik-jekemenshik áriptestik, úshinshisi – jekemenshik mektepter, – dep atap ótti Altai Kólginov.
