Atyshýly 91 toby men aqyn Rınat Zaıytovtyń arasyndaǵy aıtys-tartys byltyrǵy jyldyń aıaǵynda bastalǵan-tuǵyn. Bıylǵy jyly erekshe kúsheıdi. Jastardyń kıim-kıisi men júris-turysyna qatysty syn aıtqan Rınattyń sózinen keıin kúlli halyq Ninety One-niń jaýyna aınalyp shyǵa keldi.
Tipti, topty tanymaıtyn, onyń shyǵarmashylyǵymen tanys emes aǵa-apalardyń ózi alańǵa shyǵyp ketti. «91 toby qalamyzǵa kelse, kóresini kórsetemiz» desti olar. Rınat Zaıytovtyń syndarynan keıin toptaǵy jigitter kógildirge aınalyp shyǵa keledi. Jurt Qazaqstannyń barlyq baqytsyzdyqtary men sátsizdikterin osy jigitterden kórdi.
Osy topty qurǵan Erbolat Bedelhan da talaı sózge qaldy. Tipti Dáýlet Turlyhanovtyń ózi ursyp tastady oǵan. Sonda da bolsa, bul jigitter alǵan baǵyttarynan jańylar emes.
«Qazaq tilin mýzykanyń kómegimen trendke aınaldyramyn» degen Erbolat Rınattyń ýytty sózderinen qoryqpaıtyn sıaqty. Al Ninety One jazǵan árbir án ertesine hıtke aınalyp jatyr.
