اتىشۋلى 91 توبى مەن اقىن رينات زايىتوۆتىڭ اراسىنداعى ايتىس-تارتىس بىلتىرعى جىلدىڭ اياعىندا باستالعان-تۇعىن. بيىلعى جىلى ەرەكشە كۇشەيدى. جاستاردىڭ كيىم-كيىسى مەن ءجۇرىس-تۇرىسىنا قاتىستى سىن ايتقان ريناتتىڭ سوزىنەن كەيىن كۇللى حالىق Ninety One-ءنىڭ جاۋىنا اينالىپ شىعا كەلدى.
ءتىپتى، توپتى تانىمايتىن، ونىڭ شىعارماشىلىعىمەن تانىس ەمەس اعا-اپالاردىڭ ءوزى الاڭعا شىعىپ كەتتى. «91 توبى قالامىزعا كەلسە، كورەسىنى كورسەتەمىز» دەستى ولار. رينات زايىتوۆتىڭ سىندارىنان كەيىن توپتاعى جىگىتتەر كوگىلدىرگە اينالىپ شىعا كەلەدى. جۇرت قازاقستاننىڭ بارلىق باقىتسىزدىقتارى مەن ساتسىزدىكتەرىن وسى جىگىتتەردەن كوردى.
وسى توپتى قۇرعان ەربولات بەدەلحان دا تالاي سوزگە قالدى. ءتىپتى داۋلەت تۇرلىحانوۆتىڭ ءوزى ۇرسىپ تاستادى وعان. سوندا دا بولسا، بۇل جىگىتتەر العان باعىتتارىنان جاڭىلار ەمەس.
«قازاق ءتىلىن مۋزىكانىڭ كومەگىمەن ترەندكە اينالدىرامىن» دەگەن ەربولات ريناتتىڭ ۋىتتى سوزدەرىنەن قورىقپايتىن سياقتى. ال Ninety One جازعان ءاربىر ءان ەرتەسىنە حيتكە اينالىپ جاتىر.
