Jyl saiyn, dástúrden jańylmastan Qazaqstan Respýblikasy Aqparat jáne qoǵamdyq damý ministrligi «Jyl volonteri» halyqaralyq syilyǵyn taǵaiyndaýǵa úshin arnaiy konkýrs ótkizedi.
Salmaǵy aýyr, halyqaralyq deńgeidegi syilyq áleýmettik jáne qoǵamdyq paidaly mindetterdi sheshýge úles qosqan volonterler men volonterler tobyn, otandyq jáne halyqaralyq volonterlik uiymdardy kótermeleýge baǵyttalǵan.
Eldegi bas joba óz máresine jetýge taiaý. Búgingi kúni jeńimpazdarda iriktelip úlgergen. Al olardyń esimderi 5-jeltoqsan Halyqaralyq volonterler kúnine orai Astana qalasynda marapattaý rásiminde belgili bolady.
Jalpy baiqaǵa toqtalar bolsaq, ol eki kezeńnen turady.
Birinshi kezeń – qazvolunteer.kz internet-platformasynda ashyq onlain-daýys berý.
Ekinshi kezeń – eń kóp daýys jinaǵan jáne ekinshi kezeńge ótken qatysýshylardy Konkýrstyq komissiia baǵalaidy.
Qatysýshylar baiqaýda 15 atalym boiynsha baq synaidy. Ár nominatsiiadan úsh úmitker jeńimpaz atana alady.
Konkýrstaǵy nominatsiialar tizbegi kelesidei:
- «Úzdik volonterlik uiym»
- «Korporativtik volonterlik kóshbasshysy»
- «Turaqty damý maqsattarynyń kóshbasshylary»
- «Úzdik áleýmettik kómekshi»
- «Tótenshe jaǵdailardy joiýǵa belsendi qatysqany úshin»
- «Habar-osharsyz ketken adamdardy izdeýge belsendi qatysqany úshin»
- «Quqyq buzýshylyq qurbandaryna kómek kórsetýge belsendi qatysqany úshin»
- «Densaýlyq saqtaýdy damytýǵa belsendi qatysqany úshin»
- «Salaýatty ómir saltyn nasihattaýǵa belsendi qatysqany úshin»
- «Bilimdi dáripteýge qosqan úlesi úshin»
- «Qorshaǵan ortany saqtaýǵa jáne qorǵaýǵa qosqan úlesi úshin»
- «Beibitshilikti, dostyq pen kelisimdi nyǵaitýǵa qosqan úlesi úshin»
- «Tarihi-mádeni murany saqtaýǵa jáne damytýǵa qosqan úlesi úshin»
- «Zoologiialyq qorǵaý máselelerin sheshýge qosqan úlesi úshin»
- «Áleýmettik mindetterdi sheshýge qosqan úlesi úshin».
Joǵaryda atap ótkendei konýkrstyń aldyn-ala nátijesi shyǵarylǵan. Jetisý oblysy 13 nominatsiia boiynsha jeńimpaz atanǵan jaiy bar.
– Jetisý oblysynan 3 adam «Korporativtik volonterlik kóshbasshysy» nominatsiiasynda, «Turaqty damý maqsatynyń kóshbasshylary» boiynsha úsheý, «Úzdik áleýmettik kómekshide» bireý, «Tótenshe jaǵdailardy joiýǵa belsendi qatysqany úshin» atalymynda bireý, «Quqyq buzýshylyq qurbandaryna kómek kórsetýge belsendi qatysqany úshin» atalymynda ekeý, «Qorshaǵan ortany saqtaýǵa jáne qorǵaýǵa qosqan úlesi úshin» bir adam, «Beibitshlikti, dostyq pen kelisimdi nyǵaitýǵa qosqan úlesi úshin» bir erikti, «Áleýmettik mindetterdi sheshýge qosqan úlesi úshin» nominatsiiasynda bir jetisýlyq óren júldege ie boldy, – deidi “Jetisy jastary” KMM-niń bólim basshysy Janerke Bekseitova.
Jeńimpazdardyń basym bóligi oblys ortalyǵy Taldyqorǵan qalasynyń eriktileri, eki erikti Kerbulaq aýdanynan bolsa, Kóksý jáne Aqsý aýdandarynan bir eriktiden júldeli bolǵan jaiy bar.
