جىل سايىن، داستۇردەن جاڭىلماستان قازاقستان رەسپۋبليكاسى اقپارات جانە قوعامدىق دامۋ مينيسترلىگى «جىل ۆولونتەرى» حالىقارالىق سىيلىعىن تاعايىنداۋعا ءۇشىن ارنايى كونكۋرس وتكىزەدى.
سالماعى اۋىر، حالىقارالىق دەڭگەيدەگى سىيلىق الەۋمەتتىك جانە قوعامدىق پايدالى مىندەتتەردى شەشۋگە ۇلەس قوسقان ۆولونتەرلەر مەن ۆولونتەرلەر توبىن، وتاندىق جانە حالىقارالىق ۆولونتەرلىك ۇيىمداردى كوتەرمەلەۋگە باعىتتالعان.
ەلدەگى باس جوبا ءوز مارەسىنە جەتۋگە تاياۋ. بۇگىنگى كۇنى جەڭىمپازداردا ىرىكتەلىپ ۇلگەرگەن. ال ولاردىڭ ەسىمدەرى 5-جەلتوقسان حالىقارالىق ۆولونتەرلەر كۇنىنە وراي استانا قالاسىندا ماراپاتتاۋ راسىمىندە بەلگىلى بولادى.
جالپى بايقاعا توقتالار بولساق، ول ەكى كەزەڭنەن تۇرادى.
ءبىرىنشى كەزەڭ – qazvolunteer.kz ينتەرنەت-پلاتفورماسىندا اشىق ونلاين-داۋىس بەرۋ.
ەكىنشى كەزەڭ – ەڭ كوپ داۋىس جيناعان جانە ەكىنشى كەزەڭگە وتكەن قاتىسۋشىلاردى كونكۋرستىق كوميسسيا باعالايدى.
قاتىسۋشىلار بايقاۋدا 15 اتالىم بويىنشا ب ا ق سىنايدى. ءار نوميناسيادان ءۇش ۇمىتكەر جەڭىمپاز اتانا الادى.
كونكۋرستاعى نوميناسيالار تىزبەگى كەلەسىدەي:
- «ۇزدىك ۆولونتەرلىك ۇيىم»
- «كورپوراتيۆتىك ۆولونتەرلىك كوشباسشىسى»
- «تۇراقتى دامۋ ماقساتتارىنىڭ كوشباسشىلارى»
- «ۇزدىك الەۋمەتتىك كومەكشى»
- «توتەنشە جاعدايلاردى جويۋعا بەلسەندى قاتىسقانى ءۇشىن»
- «حابار-وشارسىز كەتكەن ادامداردى ىزدەۋگە بەلسەندى قاتىسقانى ءۇشىن»
- «قۇقىق بۇزۋشىلىق قۇرباندارىنا كومەك كورسەتۋگە بەلسەندى قاتىسقانى ءۇشىن»
- «دەنساۋلىق ساقتاۋدى دامىتۋعا بەلسەندى قاتىسقانى ءۇشىن»
- «سالاۋاتتى ءومىر سالتىن ناسيحاتتاۋعا بەلسەندى قاتىسقانى ءۇشىن»
- «ءبىلىمدى دارىپتەۋگە قوسقان ۇلەسى ءۇشىن»
- «قورشاعان ورتانى ساقتاۋعا جانە قورعاۋعا قوسقان ۇلەسى ءۇشىن»
- «بەيبىتشىلىكتى، دوستىق پەن كەلىسىمدى نىعايتۋعا قوسقان ۇلەسى ءۇشىن»
- «تاريحي-مادەني مۇرانى ساقتاۋعا جانە دامىتۋعا قوسقان ۇلەسى ءۇشىن»
- «زوولوگيالىق قورعاۋ ماسەلەلەرىن شەشۋگە قوسقان ۇلەسى ءۇشىن»
- «الەۋمەتتىك مىندەتتەردى شەشۋگە قوسقان ۇلەسى ءۇشىن».
جوعارىدا اتاپ وتكەندەي كونۋكرستىڭ الدىن-الا ناتيجەسى شىعارىلعان. جەتىسۋ وبلىسى 13 نوميناسيا بويىنشا جەڭىمپاز اتانعان جايى بار.
– جەتىسۋ وبلىسىنان 3 ادام «كورپوراتيۆتىك ۆولونتەرلىك كوشباسشىسى» نوميناسياسىندا، «تۇراقتى دامۋ ماقساتىنىڭ كوشباسشىلارى» بويىنشا ۇشەۋ، «ۇزدىك الەۋمەتتىك كومەكشىدە» بىرەۋ، «توتەنشە جاعدايلاردى جويۋعا بەلسەندى قاتىسقانى ءۇشىن» اتالىمىندا بىرەۋ، «قۇقىق بۇزۋشىلىق قۇرباندارىنا كومەك كورسەتۋگە بەلسەندى قاتىسقانى ءۇشىن» اتالىمىندا ەكەۋ، «قورشاعان ورتانى ساقتاۋعا جانە قورعاۋعا قوسقان ۇلەسى ءۇشىن» ءبىر ادام، «بەيبىتشلىكتى، دوستىق پەن كەلىسىمدى نىعايتۋعا قوسقان ۇلەسى ءۇشىن» ءبىر ەرىكتى، «الەۋمەتتىك مىندەتتەردى شەشۋگە قوسقان ۇلەسى ءۇشىن» نوميناسياسىندا ءبىر جەتىسۋلىق ورەن جۇلدەگە يە بولدى، – دەيدى “Jetisy jastary” كمم-نىڭ ءبولىم باسشىسى جانەركە بەكسەيتوۆا.
جەڭىمپازداردىڭ باسىم بولىگى وبلىس ورتالىعى تالدىقورعان قالاسىنىڭ ەرىكتىلەرى، ەكى ەرىكتى كەربۇلاق اۋدانىنان بولسا، كوكسۋ جانە اقسۋ اۋداندارىنان ءبىر ەرىكتىدەن جۇلدەلى بولعان جايى بار.
