Shahardaǵy Neke saraıynda «Jyl tańdaýy-2021» jastar syılyǵynyń saltanatty marapattaý sharasy ótti. Úzdikter on nomınasıa boıynsha anyqtalǵan.
Onyń ishinde «Úzdik stýdent», «Úzdik jýrnalıs» jáne «Úzdik otbasy» syndy nomınasıalar bar. «Shara qalalyq ishki saıasat bóliminiń qoldaýymen ótti. Ondaǵy maqsat – osy jyly túrli salalarda úzdik nátıje kórsetken jastardy marapattaý. Bıyl qala ákiminiń syılyǵyna 50 ótinim tústi.
Jeńimpazdar komısıa sheshimimen daýys berý arqyly anyqtaldy», - dedi Semeı qalalyq jastar resýrstyq ortalyǵynyń basshysy Oljas Soǵymbaı.
Qatysýshylardyń sózinshe, osy sharanyń mańyzy zor. Bul jastardyń jańa jetistikterge umtylýǵa degen yntalaryn arttyryp, shabyt syılaıdy. Jeńimpazdarǵa aqshalaı syılyq tabystaldy. Marapattaý rásimine qala ákimi Baqytjan Baıahmetov qatysty.
Aıta ketelik, oblys basshysy Danıal Ahmetov óńir jastaryna jan-jaqty qoldaý kórsetýdi nazardan tys qaldyrǵan emes. Ahmetov aımaqqa jumysshy jastar qajettigin únemi aıtyp keledi.
Buǵan deıin óńirdegi belsendi jastarmen pikirlesken ákim oblysqa elektr-slesar, mashınıst, traktorıst, tehnık-tehnolog syndy jumysshy mamandyqtar qajet ekenin aıtqan.
"Qala men aýdan ákimderi, bilim basqarmasy, jumyspen qamtý jáne áleýmettik baǵdarlamalardy úılestirý basqarmasy óńirdegi JOO-men birlesip, kásibı baǵdarlaý jumystaryn qolǵa alý qajet", – degen edi Ahmetov.
