Basqarma basshysynyń aitýynsha, memlekettik biýdjetten 108 úidiń qurylysy júrip jatsa, onyń 61-i jyl sońyna deiin tapsyrylady. Ulttyq kompaniialar esebinen 45 úidiń 43-iniń qurylysy bitýge jaqyn. Al, «Shymkent» ÁKK» AQ salyp jatqan segiz úidiń altaýy taiaý arada paidalanýǵa berilmek. Jeke kásipkerler esebinen salynyp jatqan 102 úidiń altaýynyń qurylysy jyl sońyna deiin tolyq bitedi dep josparlanýda. Al, qalǵan 147 úidiń qurylysy 2018 jylǵa ótpeli.
Budan bólek, «Nurly jol» memlekettik baǵdarlamasy aiasynda oblysymyzda 32 mekteptiń qurylysy júrgizilýde. 2016 jyldan ótpeli 19 mektepti aǵymdaǵy jyly paidalanýǵa berý josparlansa, búgingi kúnge 16 mektep paidalanýǵa berilgen. Jyl sońyna deiin 3 mektepti paidalanýǵa berý josparlanyp otyr. Qalǵan 13 mektep 2018 jyly el igiligine berilmek. Respýblikalyq biýdjetten 4 mektep pen 1-mektep-internattyń qurylysy júrip jatyr. Atalǵan nysandardaǵy qurylys jumystary 2018 jyly aiaqtalady. Al, oblystyq biýdjetten 39 mektep pen 3 kolledjdiń qurylysy júrgizilýde. Búgingi kúnge 8 mektep paidalanýǵa berilipti.
Sondai-aq, densaýlyq saqtaý salasyna qatysty 38 nysanda qurylys jumystary jalǵasýda. Sonyń 5 nysany paidalanýǵa berilse, 29 nysan jyl sońyna deiin tapsyrylady. 4 emhana qurylysy 2018 jylǵa ótpeli bolyp otyr. Qalǵan 11 ózge de áleýmettik nysandardyń qurylysy 2018 jyly aiaqtalady.
Biyl memlekettik biýdjet esebinen 21 infraqurylymdyq nysannyń qurylysy júrgizilýde. Jyl sońyna deiin 8 nysan paidalanýǵa tapsyrý josparlansa, 13 nysannyń qurylysy 2018 jylǵa ótpeli. Aǵymdaǵy jyldyń 1 qyrkúiegine 6 nysan paidalanýǵa tapsyrylyp, 1485 jeke jer ýchaskeleri infraqurylymmen qamtamasyz etilgen.
Aita keteiik, 2017 jyly basqarma tarapynan 47 nysannyń jobalaý-smetalyq qujat ázirlenýde. Jalpy 47 jobanyń 26-sy jańa, 21-i 2016 jyldan ótpeli. 2017 jylǵa oblystyq biýdjet qarajaty esebinen bólingen qarjyǵa sáikes, 20 jobany aiaqtaý josparlanyp otyr.
OQO ákiminiń baspasóz qyzmeti
