باسقارما باسشىسىنىڭ ايتۋىنشا، مەملەكەتتىك بيۋدجەتتەن 108 ءۇيدىڭ قۇرىلىسى ءجۇرىپ جاتسا، ونىڭ 61ء-ى جىل سوڭىنا دەيىن تاپسىرىلادى. ۇلتتىق كومپانيالار ەسەبىنەن 45 ءۇيدىڭ 43ء-ىنىڭ قۇرىلىسى بىتۋگە جاقىن. ال، «شىمكەنت» اكك» اق سالىپ جاتقان سەگىز ءۇيدىڭ التاۋى تاياۋ ارادا پايدالانۋعا بەرىلمەك. جەكە كاسىپكەرلەر ەسەبىنەن سالىنىپ جاتقان 102 ءۇيدىڭ التاۋىنىڭ قۇرىلىسى جىل سوڭىنا دەيىن تولىق بىتەدى دەپ جوسپارلانۋدا. ال، قالعان 147 ءۇيدىڭ قۇرىلىسى 2018 جىلعا وتپەلى.
– 2017 جىلدىڭ 8 ايىنىڭ قورىتىندىسى بويىنشا 400،2 مىڭ شارشى مەتر تۇرعىن ءۇي ياعني 3783 پاتەر پايدالانۋعا بەرىلدى. تۇرعىن ءۇي قۇرىلىسى وتكەن جىلدىڭ وسى مەرزىمىمەن سالىستىرعاندا 124 پايىزعا ۇلعايىپ وتىر. پايدالانۋعا بەرىلگەن تۇرعىن ءۇيدىڭ ناقتى كولەمىنىڭ يندەكسى 115،7 ملرد تەڭگەنى قۇراپ، وتكەن جىلمەن سالىستىرعاندا 105 پايىزعا ورىندالدى، – دەدى قۇتتىبەك جاماشيەۆ.
بۇدان بولەك، «نۇرلى جول» مەملەكەتتىك باعدارلاماسى اياسىندا وبلىسىمىزدا 32 مەكتەپتىڭ قۇرىلىسى جۇرگىزىلۋدە. 2016 جىلدان وتپەلى 19 مەكتەپتى اعىمداعى جىلى پايدالانۋعا بەرۋ جوسپارلانسا، بۇگىنگى كۇنگە 16 مەكتەپ پايدالانۋعا بەرىلگەن. جىل سوڭىنا دەيىن 3 مەكتەپتى پايدالانۋعا بەرۋ جوسپارلانىپ وتىر. قالعان 13 مەكتەپ 2018 جىلى ەل يگىلىگىنە بەرىلمەك. رەسپۋبليكالىق بيۋدجەتتەن 4 مەكتەپ پەن 1-مەكتەپ-ينتەرناتتىڭ قۇرىلىسى ءجۇرىپ جاتىر. اتالعان نىساندارداعى قۇرىلىس جۇمىستارى 2018 جىلى اياقتالادى. ال، وبلىستىق بيۋدجەتتەن 39 مەكتەپ پەن 3 كوللەدجدىڭ قۇرىلىسى جۇرگىزىلۋدە. بۇگىنگى كۇنگە 8 مەكتەپ پايدالانۋعا بەرىلىپتى.
سونداي-اق، دەنساۋلىق ساقتاۋ سالاسىنا قاتىستى 38 نىساندا قۇرىلىس جۇمىستارى جالعاسۋدا. سونىڭ 5 نىسانى پايدالانۋعا بەرىلسە، 29 نىسان جىل سوڭىنا دەيىن تاپسىرىلادى. 4 ەمحانا قۇرىلىسى 2018 جىلعا وتپەلى بولىپ وتىر. قالعان 11 وزگە دە الەۋمەتتىك نىسانداردىڭ قۇرىلىسى 2018 جىلى اياقتالادى.
بيىل مەملەكەتتىك بيۋدجەت ەسەبىنەن 21 ينفراقۇرىلىمدىق نىساننىڭ قۇرىلىسى جۇرگىزىلۋدە. جىل سوڭىنا دەيىن 8 نىسان پايدالانۋعا تاپسىرۋ جوسپارلانسا، 13 نىساننىڭ قۇرىلىسى 2018 جىلعا وتپەلى. اعىمداعى جىلدىڭ 1 قىركۇيەگىنە 6 نىسان پايدالانۋعا تاپسىرىلىپ، 1485 جەكە جەر ۋچاسكەلەرى ينفراقۇرىلىممەن قامتاماسىز ەتىلگەن.
ايتا كەتەيىك، 2017 جىلى باسقارما تاراپىنان 47 نىساننىڭ جوبالاۋ-سمەتالىق قۇجات ازىرلەنۋدە. جالپى 47 جوبانىڭ 26-سى جاڭا، 21ء-ى 2016 جىلدان وتپەلى. 2017 جىلعا وبلىستىق بيۋدجەت قاراجاتى ەسەبىنەن بولىنگەن قارجىعا سايكەس، 20 جوبانى اياقتاۋ جوسپارلانىپ وتىر.
وقو اكىمىنىڭ باسپا ءسوز قىزمەتى
