Jyl basynan beri ınvestor «NanoTech» JSHS oblys kóleminde jalpy 70-ke jýyq aýyldyq eldi meken turǵyndaryn ǵalamtorǵa qosty. Bul týraly búgingi brıfıńte Túrkistan oblysy Sıfrlandyrý, memlekettik qyzmetter kórsetý, arhıvter basqarmasynyń basshysy Elnur Ótebaev málimdedi.
«Túrkistan oblysy aýmaǵyndaǵy 74 eldimekende uıaly baılanys múldem joq. Bul máseleni sheshýde Zańnamalyq deńgeıde ózgerister qajet. Eldi mekenderdi keń jolaqty ınternetpen qamtamasyz etýdiń mindettiligi búginde eshqandaı zańdarmen jáne jarlyqtarmen kózdelmegen» - dedi Elnur Rahymberdiuly.
Ótken jyly keń jolaqty ınternetke qosylý úshin 49 aýyl tańdalǵan, al is júzinde tek 37 aýyl qosyldy. Munyń bári uıaly baılanys operatorlaryna baılanysty. Bıylǵy jyly «Kcell» AQ josparlanǵan 124 aýylǵa keń jolaqty ınternetti tartýdy usyndy. Sonymen qatar, «Beeline» AQ 40 eldi mekendi ınternetpen qamtamasyz etýdi josparlap otyr.
