جىل باسىنان بەرى ينۆەستور «NanoTech» ج ش س وبلىس كولەمىندە جالپى 70-كە جۋىق اۋىلدىق ەلدى مەكەن تۇرعىندارىن عالامتورعا قوستى. بۇل تۋرالى بۇگىنگى بريفينگتە تۇركىستان وبلىسى سيفرلاندىرۋ، مەملەكەتتىك قىزمەتتەر كورسەتۋ، ارحيۆتەر باسقارماسىنىڭ باسشىسى ەلنۇر وتەبايەۆ مالىمدەدى.
«تۇركىستان وبلىسى اۋماعىنداعى 74 ەلدىمەكەندە ۇيالى بايلانىس مۇلدەم جوق. بۇل ماسەلەنى شەشۋدە زاڭنامالىق دەڭگەيدە وزگەرىستەر قاجەت. ەلدى مەكەندەردى كەڭ جولاقتى ينتەرنەتپەن قامتاماسىز ەتۋدىڭ مىندەتتىلىگى بۇگىندە ەشقانداي زاڭدارمەن جانە جارلىقتارمەن كوزدەلمەگەن» - دەدى ەلنۇر راحىمبەردى ۇلى.
وتكەن جىلى كەڭ جولاقتى ينتەرنەتكە قوسىلۋ ءۇشىن 49 اۋىل تاڭدالعان، ال ءىس جۇزىندە تەك 37 اۋىل قوسىلدى. مۇنىڭ ءبارى ۇيالى بايلانىس وپەراتورلارىنا بايلانىستى. بيىلعى جىلى «Kcell» اق جوسپارلانعان 124 اۋىلعا كەڭ جولاقتى ينتەرنەتتى تارتۋدى ۇسىندى. سونىمەن قاتار، «Beeline» اق 40 ەلدى مەكەندى ينتەرنەتپەن قامتاماسىز ەتۋدى جوسپارلاپ وتىر.
