Sondai-aq, jyl basynan beri teńiz porttary arqyly shamamen 6 400 konteiner tasymaldandy. Onyń 50%-dan astamy Aqtaý-Baký fider jelisi jáne ári qarai Transkaspii baǵytymen tasymaldandy.
Ótken jyly Qazaqstannyń teńiz porttary arqyly jalpy 6 mln. tonna júk tasymaldanǵan edi, onyń ishinde 2,2 mln tonna munai, 2,5 mln tonna qurǵaq júk jáne 1,4 mln tonna parom júkteri.
Júk tasymaly kólemin odan ári arttyrý maqsatynda Quryq porty men Iran jáne Reseidiń Kaspiidegi porttary arasynda jańa parom jelilerin ashý máselesi pysyqtalýda.
Transkaspii mýltimodaldyq dáliz boiynsha kólik quramyn azaitý jóninde qabyldanǵan sharalardy eskere otyryp, eksporttyq júk aǵynynyń bir bóligin Aqtaý jáne Quryq teńiz porttaryna baǵdarlaý josparlanyp otyr.
Transkaspii baǵyty sheńberinde jahandyq konteinerleý jaǵdaiynda konteinerlerdiń fiderlik tasymalyn arttyrý josparlanyp otyr. Ol dástúrli tasymaldaý baǵdarlarymen salystyrǵanda óziniń artyqshylyǵyn dáleldedi.
Jalpy 2030 jylǵa deiin porttar arqyly tasymaldaý kólemin 18 mln. tonnaǵa deiin, onyń ishinde konteinerlik aǵyndy 300 myń DFE deiin jetkizý josparlanyp otyr. Osyǵan bailanysty perspektivaly júk aǵynyn port qyzmetterimen qamtamasyz etý úshin orta merzimdi perspektivada Aqtaý porty infraqurylymyn jańǵyrtý jáne Quryq portynda bas jáne úiindi júkterdi óńdeýge arnalǵan terminal salý josparlanyp otyr.
Tótenshe jaǵdai kezinde porttar shtattyq rejimde jumys istep tur. Koronavirýstyq infektsiianyń taralýyna jol bermeý maqsatynda biylǵy 16 naýryzdan bastap teńiz porttary arqyly jolaýshylardy tasymaldaý ýaqytsha toqtatyldy. Porttarda sanitarlyq-epidemiologiialyq sharalar kúsheitildi. Keletin júk kólikterine dezinfektsiia júrgiziledi. Bul rette porttarda birinshi kezekte qajetti taýarlardy, azyq-túlik ónimderin, dári-dármekter men meditsinalyq maqsattaǵy taýarlardy tasymaldaityn júk kólikterińn ótkizýdi ońailatý boiynsha sharalar qabyldandy.
Búgingi tańda porttar arqyly shamamen 1,3 mln tonna júk (munai jáne munai ónimderi, astyq, metall) eksporttaldy. Bul 2019 jylǵy sáikes kezeń kórsetkishiniń 98% teń.
Import kólemi 224,9 myń tonnany qurady (halyq tutynatyn taýarlar, tamaq ónimderi, qurylys matrialdary, tsement jáne t.b.). Bul ótken jyldyń sáikes kezeńimen salystyrǵanda 102%.
Aǵymdaǵy jyldyń birinshi toqsanynda shamamen 60,8 myń tonna tranzittik júk (azyq-túlik, turmystyq tehnika, dári-dármek) porttarda óńdelip, 2019 jyldyń sáikes kezeńi kórsetkishiniń 86% teń.
Eske sala keteiik, 2015-2019 jyldarǵa arnalǵan «Nurly jol» memlekettik baǵdarlamasyn sheńberinde Aqtaý portynda qýaty 3 mln tonnalyq 3 jańa qurǵaq júk terminaly jáne Quryq portynda qýaty 6 mln. tonnalyq kópfýnktsionaldy paromdyq keshen salyndy.
