سونداي-اق، جىل باسىنان بەرى تەڭىز پورتتارى ارقىلى شامامەن 6 400 كونتەينەر تاسىمالداندى. ونىڭ 50%-دان استامى اقتاۋ-باكۋ فيدەر جەلىسى جانە ءارى قاراي ترانسكاسپيي باعىتىمەن تاسىمالداندى.
وتكەن جىلى قازاقستاننىڭ تەڭىز پورتتارى ارقىلى جالپى 6 ملن. توننا جۇك تاسىمالدانعان ەدى، ونىڭ ىشىندە 2،2 ملن توننا مۇناي، 2،5 ملن توننا قۇرعاق جۇك جانە 1،4 ملن توننا پاروم جۇكتەرى.
جۇك تاسىمالى كولەمىن ودان ءارى ارتتىرۋ ماقساتىندا قۇرىق پورتى مەن يران جانە رەسەيدىڭ كاسپييدەگى پورتتارى اراسىندا جاڭا پاروم جەلىلەرىن اشۋ ماسەلەسى پىسىقتالۋدا.
ترانسكاسپيي مۋلتيمودالدىق ءدالىز بويىنشا كولىك قۇرامىن ازايتۋ جونىندە قابىلدانعان شارالاردى ەسكەرە وتىرىپ، ەكسپورتتىق جۇك اعىنىنىڭ ءبىر بولىگىن اقتاۋ جانە قۇرىق تەڭىز پورتتارىنا باعدارلاۋ جوسپارلانىپ وتىر.
ترانسكاسپيي باعىتى شەڭبەرىندە جاھاندىق كونتەينەرلەۋ جاعدايىندا كونتەينەرلەردىڭ فيدەرلىك تاسىمالىن ارتتىرۋ جوسپارلانىپ وتىر. ول ءداستۇرلى تاسىمالداۋ باعدارلارىمەن سالىستىرعاندا ءوزىنىڭ ارتىقشىلىعىن دالەلدەدى.
جالپى 2030 جىلعا دەيىن پورتتار ارقىلى تاسىمالداۋ كولەمىن 18 ملن. تونناعا دەيىن، ونىڭ ىشىندە كونتەينەرلىك اعىندى 300 مىڭ دفە دەيىن جەتكىزۋ جوسپارلانىپ وتىر. وسىعان بايلانىستى پەرسپەكتيۆالى جۇك اعىنىن پورت قىزمەتتەرىمەن قامتاماسىز ەتۋ ءۇشىن ورتا مەرزىمدى پەرسپەكتيۆادا اقتاۋ پورتى ينفراقۇرىلىمىن جاڭعىرتۋ جانە قۇرىق پورتىندا باس جانە ءۇيىندى جۇكتەردى وڭدەۋگە ارنالعان تەرمينال سالۋ جوسپارلانىپ وتىر.
توتەنشە جاعداي كەزىندە پورتتار شتاتتىق رەجيمدە جۇمىس ىستەپ تۇر. كوروناۆيرۋستىق ينفەكسيانىڭ تارالۋىنا جول بەرمەۋ ماقساتىندا بيىلعى 16 ناۋرىزدان باستاپ تەڭىز پورتتارى ارقىلى جولاۋشىلاردى تاسىمالداۋ ۋاقىتشا توقتاتىلدى. پورتتاردا سانيتارلىق-ەپيدەميولوگيالىق شارالار كۇشەيتىلدى. كەلەتىن جۇك كولىكتەرىنە دەزينفەكسيا جۇرگىزىلەدى. بۇل رەتتە پورتتاردا ءبىرىنشى كەزەكتە قاجەتتى تاۋارلاردى، ازىق-تۇلىك ونىمدەرىن، دارى-دارمەكتەر مەن مەديسينالىق ماقساتتاعى تاۋارلاردى تاسىمالدايتىن جۇك كولىكتەرىڭن وتكىزۋدى وڭايلاتۋ بويىنشا شارالار قابىلداندى.
بۇگىنگى تاڭدا پورتتار ارقىلى شامامەن 1،3 ملن توننا جۇك (مۇناي جانە مۇناي ونىمدەرى، استىق، مەتالل) ەكسپورتتالدى. بۇل 2019 جىلعى سايكەس كەزەڭ كورسەتكىشىنىڭ 98% تەڭ.
يمپورت كولەمى 224،9 مىڭ توننانى قۇرادى (حالىق تۇتىناتىن تاۋارلار، تاماق ونىمدەرى، قۇرىلىس ماتريالدارى، سەمەنت جانە ت.ب.). بۇل وتكەن جىلدىڭ سايكەس كەزەڭىمەن سالىستىرعاندا 102%.
اعىمداعى جىلدىڭ ءبىرىنشى توقسانىندا شامامەن 60،8 مىڭ توننا ترانزيتتىك جۇك (ازىق-تۇلىك، تۇرمىستىق تەحنيكا، دارى-دارمەك) پورتتاردا وڭدەلىپ، 2019 جىلدىڭ سايكەس كەزەڭى كورسەتكىشىنىڭ 86% تەڭ.
ەسكە سالا كەتەيىك، 2015-2019 جىلدارعا ارنالعان «نۇرلى جول» مەملەكەتتىك باعدارلاماسىن شەڭبەرىندە اقتاۋ پورتىندا قۋاتى 3 ملن توننالىق 3 جاڭا قۇرعاق جۇك تەرمينالى جانە قۇرىق پورتىندا قۋاتى 6 ملن. توننالىق كوپفۋنكسيونالدى پارومدىق كەشەن سالىندى.
