Búgin Jetisý oblysynan sý tasqynan zardap shekken Batys Qazaqstan oblysynyń turǵyndaryna gýmanitarlyq kómek jiberildi. Bul qoldaý sharasy «Amanat» partiiasynyń oblystyq filialy men «Meiirimdi Jetisý» volonterlik front ofisi arqyly júzege asty, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Osylaishy Jetisý oblysy sý tasqynynan zardap shekken óńirge jalpy quny 40 million teńge bolatyn 85 tonna azyq-túlik, kiim-keshek jáne turmysqa qajetti zattar jóneltti.
Jetis oblysy Qoǵamdyq damý basqarmasynyń málimetine qaraǵanda, sý tasqynynan zardap shekkenderge qarjylai járdem de kórsetilýde.
Máselen, kásipkerler qarjylai demeýshilik jasasa, memlekettik qyzmetkerler bir kúndik eńbekaqysyn arnaiy esepshottarǵa aýdarǵan, onyń jalpy somasy 150 million teńge boldy.
Sondai-aq qurylys jumystaryna qajetti 1000 tonna tsement jiberiledi.
Eske salsaq, «Amanat» partiiasynyń óńirdegi filialdarynda jáne «Jetisý jastary» ǵimaratynda jalpy sany 10 qabyldaý pýnkti ashylǵan bolatyn.
