Ol 3 myń shaqyrymdy 34 kúnde júrip ótken. Keshe keshkilik sportshyny týystary, jerlesteri, sporttaǵy áriptesteri qýanyshpen qarsy aldy, - dep habarlaidy Almaty oblysy ákiminiń baspasóz qyzmeti.
Almat Baltabekov Nur-Sultan qalasynan bastap, Qorǵaljyn, Ulytaý, Qyzylorda, Túrkistan, Shymkent, Jetisai, Taraz, Almaty, Taldyqorǵan qalalary men eldi mekenderi arqyly 3000 shaqyrymdy 34 kúnde júrip ótken.
– Elimizdiń óńirlerin aralaǵan kezde jergilikti turǵyndarmen aralasýǵa, tabiǵat tamashalaryn kórip úlgerýge tyrystym. El táýelsizdiginiń otyz jylyndaǵy jetistikterine kýá boldym. Alǵan áserimmen "Instagram" paraqshasynda bólisip otyrdym. Meni halqymyzdyń qonaqjailyǵy tánti etti. Qai jerge barsam da, beitanys adamdar meni qurmetti qonaǵyndai qarsy aldy, – dedi A.Baltabekov. Astanalyq jastardyń atynan Almaty oblysynyń jastar saiasaty máseleleri jónindegi basqarmanyń jastaryna simvolikalyq statýetkany syiǵa tartyp, kórsetken qoldaýy úshin basqarmaǵa rizashylyǵyn jetkizdi.
Atap ótsek, Almat Baltabekov I.Jansúgirov atyndaǵy Jetisý ýniversitetin «Psihologiia» mamandyǵy boiynsha aiaqtaǵan. Taldyqorǵan qalasyndaǵy Jastarǵa qyzmet kórsetý ortalyǵynda stýdenttik tájiribeden ótken. Qazir Nur-Sultan qalasyndaǵy Psihikalyq densaýlyq ortalyǵynda jumys isteidi.
