Jetisý oblysy qurylǵannan beri óńirde barlyq qarjylandyrý kózderi esebinen shamamen 1 mln. sharshy metr turǵyn úi paidalanýǵa berilip, qabyldanǵan sharalardyń arqasynda kezekte turǵan 5735 azamat úili boldy, al biyl barlyq baǵyttar boiynsha taǵy 2026 adamdy turǵyn úimen qamtamasyz etý josparlanyp otyr, – dep habarlaidy Dalanews.kz
Atap aitqanda, úsh jylda Taldyqorǵanda 3135, Panfilov aýdanynda 687, Tekeli qalasynda 394, Kerbulaq aýdanynda 390, Alakól aýdanynda 325, Eskeldi aýdanynda 209, Kóksý aýdanynda 175, Sarqan aýdanynda 145, Qaratal aýdanynda 143, Aqsý aýdanynda 132 otbasyǵa úi berildi. Sonyń 1400-i – kóp balaly otbasy, 265-i – jetim balalar, 1643 turǵyn – áleýmettik osal toptar sanatynan. Bul turǵyn úiler «Shańyraq», «Baqytty otbasy», «Jeruiyq», «Jetisý jastary» baǵdarlamalary aiasynda, demeýshiler esebinen berildi, sol siiaqty munyń ishinde kredittik, jalgerlik úiler men apatty úilerde turatyndardy kóshirý de bar.
Sonymen qatar biyl óńirde 375,0 myń sharshy metr turǵyn úi, sonyń 92,3 myń sharshy metri biýdjet qarajaty esebinen, atap aitqanda jalǵa beriletin jáne kredittik turǵyn úi esebinen, 22,7 myń sharshy metri «Samuryq – Qazyna» AQ esebinen, 54,4 myń sharshy metr jeke qurylys salýshylar esebinen salynady. Bul rette jyl basynan beri turǵyn úidiń josparlanǵan kóleminiń 72,1 myń sharshy metri paidalanýǵa berildi. Sondai-aq halyqtyń áleýmettik osal toptary úshin jalpy aýdany 15,2 myń sharshy metr bolatyn 258 páter satyp alýǵa respýblikalyq jáne jergilikti biýdjetten qarjy bólindi.
Biyl barlyq baǵyttar boiynsha oblystyń 2026 turǵynyn baspanamen qamtý josparlanǵan. Bul rette jyl basynan beri 114 kópbalaly otbasy, 49 jetim bala jáne halyqtyń áleýmettik osal sanatynan kezekte turǵan 153 adam – jalpy sany 361 adam Aqsý, Alakól, Sarqan, Kóksý, Qaratal, Kerbulaq, Eskeldi, Panfilov aýdandary men Tekeli, Taldyqorǵan qalalalarynda turǵyn úimen qamtamasyz etildi.
Taldyqorǵannyń jańa shaǵyn aýdannynda 60 páterlik kóp qabatty úiden jańa páterge ie bolǵandardyń biri – kóp balaly ana Elmira Kóbegenova.
- Kóp balaly otbasy retinde on jyldam astam ýaqyt kezekte turdyq. Tórt balam bar, ekeýi mektepte oqidy. Ózim aspaz bolyp jumys isteimin. Búgin, mine, 2 bólmeli páterge ie bolyp otyrmyz. Áýletimizdiń qýanyshynda shek joq. Osyndai qýanysh ár otbasyna juǵysty bolsyn, - dedi kóp balaly ana.
Turǵyn úi kiltin alǵandardyń qataryndaǵy Shabelskii otbasy da bar. Olar qalanyń jańa «Jastar-3» shaǵyn aýdanynan jańa baspanaǵa ie boldy.
- Qazir 25 jasqa keldim. 2011 jyldan bastap turǵyn úige kezeginde turamyn. Ózim kishkentaiymnan ájemniń qolynda óstim. Osy kezge deiin áiel, bala-shaǵammen birge ájemniń úiinde birge turdyq. Árine, óz úiimiz bolsa dep armandadyq, ásirese eki qyzym óz bólmemiz bolsa deitin. Endi, mine, úiimizge qol jetkizdik, qýanyshymyzda shek joq, - dedi jas otaǵasy Sviatoslav Alekseevich.
Al ótken jyly Respýblika kúnine orai Kóksý aýdanynyń turǵyndary da óz úileriniń kiltin qolyna aldy. Solardyń biri Jarlyózek aýylynyń turǵyny Rýkiia Raiym óz pikirin bildirdi.
- Kóp balaly anamyn, turǵyn úige kezeginde 8 jyl turdym. Bes balam bar. Eń úlkeni 10 jasta, al kishisi 1,5 jasta. Jubaiym Kerbulaq aýdanyndaǵy tsement zaýytynda jumys isteidi, ózim úi sharýasyndamyn. Árine, balalarmen jaldamaly páterlerge kóshýip júrý qarjylyq jaǵynan da, moraldyq jaǵynan da qiynshylyq týǵyzatyn. Qazir balalarymnyń óz bólmesi bar. Úi keń, jaryq, jyly, - deidi ol.
Atap ótsek, osy jyldyń 1 mamyryndaǵy jaǵdai boiynsha Jetisý oblysynda turǵyn úige kezekte turǵan azamattardyń sany 31 619 adam, onyń 15 myńnan astamy Taldyqorǵanda turady. Óńirde ótken jyldyń qorytyndysy boiynsha qabyldanǵan sharalardyń arqasynda oblys ortalyǵyndaǵy turǵyn úige kezek 8,3% - ǵa tómendedi. Osy jyly taǵy 1400-den astam otbasyn turǵyn úimen qamtamasyz etýdi josparlanyp otyr. Osylaisha, 2023-2025 jyldary oblys ortalyǵynda 5 myńǵa jýyq kezekte turǵandar qoljetimdi baspanamen qamtamasyz etiledi.
Sonymen qatar Jetisý oblysynda turǵyn úi tek oblys ortalyǵy men aýdan ortalyqtarynda ǵana emes, aýyldyq jerlerde de salynýda, bul aýyldardyń damýyna yqpal etip, halyqtyń kóship ketýin boldyrmaý úshin qajet.
