Jetisý oblysynda «Shoqan Ýálihanov: tarih jáne tulǵa» atty ǵylymi-tájiribelik konferentsiia ótti. Etnograf ǵalym, aǵartýshy, tarihshy jáne geograf Shoqan Ýálihanovtyń 190 jyldyǵyna arnalǵan sharaǵa Qyrǵyzstan, Ózbekstan, Ulybritaniia memleketteriniń jáne elimizdiń ǵalymdary qatysty, dep habarlaidy Dalanews.kz
Konferentsiianyń ashylýynda kópshilikti oblys ákiminiń atynan quttyqtaǵan orynbasary Dias Esdáýletov Shoqan Ýálihanov murasy túrik halyqtarynyń tarihy men mádenietin tanýǵa septigin tigizetinin atap ótip, ǵalym eńbekteriniń jan-jaqty zerttelýi keleshek urpaqtyń enshisinde ekenin alǵa tartty.
- Shoqan Ýálihanov jalǵyz qazaqtyń ǵana emes, barlyq túrik halyqtarynyń maqtanyshy. Onyń tulǵasy – jalpyulttyq sipatqa ie. Onyń ómiriniń sońǵy kúnderin Jetisý jerinde ótkizip, topyraq buiyrýy biz úshin zor mártebe ári úlken jaýapkershilik. Biyl ǵalym atyndaǵy «Altynemel» mýzeiiniń ashylǵanyna 40 jyl tolyp otyr. 2023 jyly el Prezidentiniń tapsyrmasymen mýzeige tolyq jóndeý jumystary júrgizildi, - degen D.Esdáýletov aimaqtyń tarihi-mádeni ómirinen oryn alǵan mýzeidiń mańyzdylyǵyna toqtaldy.
Konferentsiia aiasynda Jarylqap Beisenbaiulynyń qaita basylǵan «Shoqan» kitabynyń tusaýkeseri ótip, Parlament Senatynyń tóraǵasy Máýlen Áshimbaevtyń, Aqmola oblysynyń ákimi Marat Ahmetjanovtyń quttyqtaý tilekteri oqyldy.
Odan soń Sh.Ýálihanov atyndaǵy tarih jáne etnologiia institýtynyń bas mamany, tarih ǵylymdarynyń doktory, professor Áýezhan Shashaev, Qyrǵyz Respýblikasynyń qairatkeri, tarih ǵylymdarynyń doktory, professor Sholpan Turdalieva, Ózbekstandyq shoqantanýshy jazýshy Vladimir Fetisov, Abai atyndaǵy Qazaq ulttyq pedagogikalyq ýniversitetiniń Qazaqstan tarihy kafedrasynyń dotsenti, tarih ǵylymdarynyń kandidaty Fakiia Shamshidenova, Ulybritaniialyq saiahatshy, jýrnalist Nik Filding kezekpen sóz alyp, jasyn ǵumyrly ǵalymnyń eńbekterindegi erekshelikterdi, aitylmaǵan syrlardy, ulttar men ulystarǵa qatysty málimetterdi jan-jaqty taldap, túsindirdi.
Konferentsiia sońy pikirtalas pen usynystarǵa ulasyp, Shoqan eńbekterin zertteý men tanytýdy jalǵastyrýdyń mańyzdylyǵyn áńgimeledi.
Aita ketsek, konferentsiia aldynda qatysýshylar Kerbulaq aýdanynyń Shanhanai aýyldyq okrýginde ornalasqan Sh. Ýálihanov atyndaǵy «Altynemel» memorialdyq mýzeiine baryp, gúl shoqtaryn qoidy. Sondai-aq «Taza Qazaqstan» baǵdarlamasy aiasynda keshen aýmaǵyna jas kóshetter otyrǵyzdy.
