Oblystyq kásipkerlik jáne indýstrialdy-innovatsiialyq damý basqarmasynyń habarlaýynsha, QR Prezidentiniń «QR tótenshe jaǵdai engizý týraly» Jarlyǵyna sáikes shekteý sharalary engizilýine bailanysty qalalyq, aýdandyq ákimdiktermen jáne «Atameken» kásipkerler palatasymen birlesip, tótenshe jaǵdai kezinde memleket tarapynan shaǵyn jáne orta biznes sýbektilerine kórsetiletin qoldaý sharalary men salyqtyq yntalandyrýlardy tanystyrý men túsindirý jumystary júrgizilýde.
Basqarma basshysy Rýslan Qojasbaevtyń sózine súiensek, Almaty oblysyndaǵy shaǵyn jáne orta biznesti qoldaýǵa 2020 jyly «Biznestiń jol kartasy – 2020» baǵdarlamasy aiasynda respýblikalyq biýdjetten 9 mlrd teńgeden astam soma bólindi.
Onyń ishinde paiyzdyq mólsherlemeni sýbsidiialaýǵa – 4,1 mlrd teńge, ishinara kepildendirý – 1,3 mlrd teńge al jańa biznes-ideialardy júzege asyrýǵa arnalǵan memlekettik granttar berý – 2 mln teńgeden 5 mln teńgege deiin jalpy konkýrs boiynsha 72 mln teńge, jas kásipkeler úshin – 50,0 mln teńge; injenerlik-kommýnikatsiialyq infraqurylymdy damytýǵa – 3,6 mlrd. teńge, munda 1,4 mlrd. teńge jergilikti biýdjetten qosymsha qarjylandyrylǵan.
Sonymen qatar biznesti qoldaýdyń jumys istep turǵan memlekettik baǵdarlamalarymen qatar tótenshe jaǵdai kezinde «Damý» KDQ» AQ-men birlesip «Jetisý» shaǵyn jáne orta kásipkerlikti qarjylandyrý óńirlik baǵdarlamasy iske qosyldy. Baǵdarlama sheńberinde jergilikti biýdjetten 500,0 mln teńge jáne qor biýdjetinen 500,0 mln. teńge jalpy somasy 1,0 mlrd. teńge bólindi. V Qazirgi kezde «Damý» qorymen birge baǵdarlama sharttaryn kelisý jumystary júrip jatyr.
Basqarmanyń habarlaýynsha, nesie alý, syiaqy mólsherlemesin sýbstdiialaý, nesie boiynsha kepildendirý máseleleri boiynsha óńirdiń tilek bildirýshi kásipkerleri «Damý» Kásipkerlikti damytý qory» AQ-ǵa jáne ekinshi deńgeili bankterge júgine alady. Baǵdarlamalarǵa qatysý sharttary jaily suraqtar týyndaǵan jaǵdaida 8/7282/32-95-68, 32-95-67 telefon nómirlerine habarlasýǵa keńes beremiz.
