Jetisýda ónerkásip óndirisi kólemindegi óńdeý sektorynyń úlesi - 80%
Al biyl quny 39 mlrd. teńge bolatyn 12 kásiporyn iske qosylyp, 500-den astam jumys orny ashylady. Bul jaily búgin jýrnalisterge Jetisý oblysynyń ákimi Beibit Isabaev Astana qalasynda ótken brifingide aityp berdi, - dep habarlaidy Jetisý oblysy ákiminiń baspasóz qyzmeti.
Baiandamashynyń aitýynsha, óńirde ónerkásip óndirisi kólemindegi óńdeý sektorynyń úlesi 80%-ǵa jetken. Oblysta negizginen ashytqy (ýyt), elektrli akkýmýliatorlar, joǵary voltty elektr taratý jelilerine arnalǵan temir betondy jáne metall tirekter óndiriledi.
Biyl 12 jańa kásiporyn paidalanýǵa beriledi. Sonyń irileri – keramikalyq plitalar shyǵaratyn «Almaz Keramiks» kásiporny, kún panelderin shyǵaratyn «Maiami Solar» kásiporny jáne «EcoWattAKA» kompaniiasynyń jel elektr stansysy.
Al «Qorǵas – Shyǵys qaqpasy» arnaiy ekonomikalyq aimaǵy men «Qorǵas» HShYO – oblystaǵy damý núktesiniń biri. Munda qazir 2030 jylǵa deiin jalpy investitsiia kólemi 622 mlrd.teńge bolatyn 52 jobany iske asyrý josparlanýda.- Taý-ken salasyn damytý sheńberinde quny 1,3 trln. teńge bolatyn, 2 myńnan astam jumys ornyn ashatyn metallýrgiia kombinatynyń qurylysy júrgizile bastaǵan.
Onyń qýaty jylyna 860 myń mys kontsentratyn óndirýge jetedi. Qazirgi kezde qural-jabdyqtar men taýarlardy saqtaityn qoimalar men basqa da tehnikalyq ǵimarattar salynyp bitti.
Kombinattyń qurylysy 2025 jyly bastalyp, 2027 jyly aiaqtalady dep josparlanǵan, - dedi spiker.
Jalpy oblystyń 2030 jylǵa deiingi investitsiialyq portfeline quny 2,2 trln. teńge bolatyn, 9 myńnan astam jumys ornyn quratyn 184 joba engizilgen.
Jetisý oblysy ákiminiń baspasóz qyzmeti.
