Kóp balaly otbasynyń jaǵdaiyna bailanysty «Órkeniet konstrakshn» JShS jedel ún qatyp, 2 kún ishinde baspana alý məselesin sheshken.
Búgin osy úidiń kiltin berý saltanatyna Talǵar aýdanynyń ákimi Jolan Omarov pen seriktestik ókilderi jáne aýdan jurtshylyǵy qatysty. Baspananyń lentasyn qiiý, shashý shashý rásimderi atqarylǵan soń aýdan əkimi Jolan Omarov sóz alyp, kəsipkerlerge jurtshylyqtyń atynan rizashylyǵyn bildirdi.
– Almaty oblys əkimi Amandyq Batalov osy otbasynyń jaǵdaiyn erekshe tapsyrǵan bolatyn. Biz biznesmendermen birlesip, osy isti qolǵa aldyq. Barlyq jaǵdaiy bar, gazǵa qosylǵan, aýmaǵy keń osy úidi balalardyń igiligine usynyp otyrǵan kəsipkerlerge zor alǵys aitamyz, – dedi J. Omarov. Sol siiaqty ol Talǵar aýdanyndaǵy ár okrýgte kóp balaly otbasylar úshin kásipker azamattardyń qoldaýymen jýyrda bir aýlada keminde 6 úi salynatyn irgeli joba bastalatynyn qýanyshpen jetkizdi.
– Biz əkimdiktiń jeti balanyń taǵdyryna alańdap, jasaǵan úndeýine alǵashqy bolyp usynys bildirdik. Osy aýylda satylatyn 10 shaqty úidiń ishinen sapaly, barlyq qolaily jaǵdaiy bar eń jaqsysyn tańdadyq. Mańaiyna qamqorlyq jasaý, kópke qol ushyn sozý – qarjysy bar qaltaly azamattardyń paryzy dep bilemin. Osy shańyraqtyń balalary Qazaqstannyń eń myqty azamattary bolsyn, – dep úidiń qujattaryn iesine tapsyrǵan seriktestik ókili Jomart Raiymjanov JShS direktorlary Aibek pen Dýlat Shəkerovterdiń atynan kelgenin jetkizdi.
Úi iesi Baýyrjan Sheńgelbaev oblys pen aýdan basshylaryna, kəsipker azamattarǵa júrekjardy lebizin bildirip, alǵys aitty.
Bul turǵyn úi 4 bólmeli, 11 sotyq jeri, monshasy, jer asty qoimasy, basqa da sharýashylyq qajettilikteri bar. Otaǵasy Baýyrjan Sheńgelbaev qurylysta jaldamaly jumys jasasa, otanasy Botagóz Baitoqova balabaqsha tərbieshisi. 4 balasy Panfilov aýylyndaǵy №17 mektepte oqidy.
Eske salsaq, 25 aqpan kúni Panfilov aýyly Aimanov kóshesindegi úi órtengen bolatyn. Bul úidi Sheńgelbaevtar jalǵa alyp turyp jatqan. Aldyn ala boljam boiynsha órt elektr jaryǵy symdarynan shyqqan. Bir qýanarlyǵy Sheńgelbaevtar otbasynyń músheleri túgeldei aman.
