Oblysta prezıdenttik jastar kadr rezervine tirkelý isi onlaın platformada júrgizilýde. İrikteý birneshe kezeńnen turady.
Birinshi kezekte úmitkerler test tapsyryp, keıin esse jazady. Bul arqyly qatysýshylardyń oı-órisi, gramatıkasy men kóshbasshylyq qabileti baǵalanady.
Onlaın synnan súrinbeı ótkender beınejazbalar arqyly óz jobalaryn qorǵaıtyn bolady. İrikteý sońynda eksperttik komısıa ár úmitkermen jeke kezdesý ótkizedi. Eń kóp bal jınaǵan kandıdattar tizimi QR Prezıdenti janyndaǵy jastar kadrlik rezervin jasaqtaıtyn ulttyq komısıa otyrysynda belgili bolady.
Jastar kadr rezervi – bul qyzmettik ósýge yntaly, kásibı daǵdylar men basqarý biliktilikteriniń joǵary deńgeıine ıe, ózin-ózi kásibı damytýǵa, oqyp-úırenýge beıim, saraptamalyq aqyl-qabileti aıqyn kórinetin kóshbasshylyq sıpatqa ıe jastarǵa arnalǵan qolaý sharasy.
Prezıdenttik kadr rezervi aldaǵy reformalardyń lokomotıvi bolatyn jastar úshin ashyq jáne tıimdi áleýmettik lıftti qurý maqsatynda qalyptastyrylady.
Azamattar Prezıdenttik kadr rezervine 5-jyldyq merzimge alynady. Rezervke turǵan azamat saıası nemese basqarýshy laýazymdarǵa, ulttyq holdıńterdiń nemese kompanıalardyń basqarýshy laýazymdaryna taǵaıyndala alady.
İrikteýge jasy 35-ten aspaǵan, joǵary bilimi jáne 5 jyldan kem emes jumys ótili bar Qazaqstan azamaty qatysa alady.
