Al densaýlyq saqtaý salasynda jergilikti biýdjet esebinen biyl 21 blokty-modýldik meditsinalyq pýnkt ornatyldy, jyl sońyna deiin taǵy 6-ýy, al 2025 jylǵa deiin 35-i turǵyzylady. Bul týraly búgin Astana qalasynda ótken brifing kezinde Jetisý oblysynyń ákimi Beibit Isabaev aitty, – dep habarlaidy Jetisý oblysy ákiminiń baspasóz qyzmeti.
Jýrnalisterge óńirdiń damýy jaily baiandaǵan oblys basshysy qazir 5 mekteptiń qurylysy júrgizilip jatqanyn, onyń 2-ýi «Jaily mektep» ulttyq jobasy aiasynda salynyp jatqanyn jetkizdi. Onyń aitýynsha, 2026 jylǵa deiin oblysta 21 jańa mektep salynady, onyń 7-eýi «Jaily mektep» Ulttyq jobasy sheńberinde turǵyzylady.
Beibit Isabaev óz sózinde densaýlyq saqtaý, mádeniet jáne sport salalaryndaǵy atqarylyp jatqan jumystarǵa da toqtalyp ótti. Máselen, mádeniet pen sport salalarynda biýdjet qarajatyna 18 nysannyń qurylysy júrgizilýde, oǵan 10,9 mlrd. teńge bólingen, onyń 8-i qoldanysqa berildi.
Oblys basshysy bul áleýmettik salalarǵa jeke investitsiia salyp jatqan iri kásipkerler de bar ekenin atap ótti:
– Demeýshiler esebinen Qaratal aýdanynyń Úshtóbe qalasynda aýysymyna 50 kelýshige arnalǵan dárigerlik ambýlatoriia ashyldy. «Qazaqmys» korporatsiiasymen Taldyqorǵan qalasyna demeýshi retinde onkologiialyq ortalyq salý jóninde ýaǵdalastyq, – dedi spiker.
Sol siiaqty sport salasynda da jeke demeýshiler esebinen Taldyqorǵanda «Jetisý Arena» jyl boiy jumys isteitin jabyq muz arenasy iske qosylǵan. Jeke investorlar qarjysyna «Jetisý» voleibol klýby úshin salynyp jatqan 4 qabatty turǵyn úi jyl sońynda beriledi, ústel tennisi ortalyǵynyń qurylysy kelesi jyly bitedi.
«Árine, jańadan qurylǵan óńirdiń barlyq problemalyq máselesi sheshildi deýge áli erte. Turǵyn úimen qamtamasyz etý, aýyl sharýashylyq jerleri máselesi, aýyl ishilik joldardyń sapasy, gazdandyrý, oblysqa investitsiia tartý, Taldyqorǵan qalasyn abattandyrý, úilerdiń shatyry men fasadyn jóndeý boiynsha alda atqarar is jetkilikti. Túrli saladaǵy jumys barysynda jiberilgen olqylyqtar men kemshilikter bolsa, túzep, halyqtyń laiyqty ómir súrýine jaǵdai jasaýǵa kúsh salýdamyz. Zań ústemdigin qamtamasyz etip, halyqpen ashyq, ádil jumys isteitin bilikti, jaýapkershilikti moinyna ala biletin jergilikti bilik organdarynyń qyzmetin uiymdastyrý – bas mindetimiz», – dedi Beibit Isabaev óz sózinde.
Jetisý oblysy ákiminiń baspasóz qyzmeti
