Ortalyq kommýnikatsiialar qyzmetinde ótken brefingte Amandyq Batalov Almaty oblysynda memlekettik-jekemenshik seriktestigin jandandyrý nátijesinde jyl sońyna deiin balalardy balabaqshamen qamtý deńgeii 95 %-ke jetetinin alǵa tartty.
– Máselen, 2013 jyly balalardy mektepke deiingi mekemelermen qamtý kórsetkishisi nebary 60%-dy qurasa, sońǵy úsh jyl kóleminde 279 balabaqsha ashylǵan. Onyń 88%-y – jekemenshik. Al biylǵy jyly taǵy 98 balabaqsha ashylsa, jyl sońyna deiin qamtý deńgeii 95%-ǵa jetetin bolady, – dedi A. Batalov.
Oblystyń bilim salasyna memlekettik-jekemenshik seriktestik tegigin qoldanýdaǵy tájiribesi úlken. «Endi biz memleket pen biznes áriptestiginiń basqa da formalaryn qoldana bastadyq. Bizdegi 41 jobanyń 8-i ótken jyly júzege asyrylsa, quny 9,6 mlrd. teńgelik 9-y biylǵy jyldyń sońyna deiin mejelengen», – dep atap ótti oblys ákimi.
Almaty oblysy ákimi A.Batalovtyń Ortalyq kommýnikatsiialar qyzmetindegi brefingi
https://dalanews.kz/31757
