Bıylǵy jyly Almaty oblysynda 44 mektep salynsa, sonyń – 31-i «Nurly jol» baǵdarlamasy sheńberinde turǵyzyldy. Onyń oqýshylarǵa oryn jetispeýshiligi máselesin sheshýge tıgizer yqpaly zor. Bıylǵy jańa oqý jylynyń ózinde birinshi synypqa 46 myń bala barǵan. Bul týraly oblys ákimi Amandyq Batalovtyń Ortalyq komýnıkasıalar qyzmetinde ótken brıfıńi barysynda aıtyldy, –  dep habarlaıdy Almaty oblysy ákiminiń baspasóz qyzmeti.  

Jalpy sońǵy úsh jylda Almaty oblysynda «Nurly jol» baǵdarlamasy boıynsha 82 jobany júzege asyrýǵa 77,2 mlrd. teńge bólingen, sonyń 49 mlrd. teńgesi – bilim berý nysandaryna bólindi.

Ortalyq komýnıkasıalar qyzmetinde ótken brefıngte Amandyq Batalov Almaty oblysynda memlekettik-jekemenshik seriktestigin jandandyrý nátıjesinde jyl sońyna deıin balalardy balabaqshamen qamtý deńgeıi 95 %-ke jetetinin alǵa tartty.

– Máselen, 2013 jyly balalardy mektepke deıingi mekemelermen qamtý kórsetkishisi nebary 60%-dy qurasa, sońǵy úsh jyl kóleminde 279 balabaqsha ashylǵan. Onyń 88%-y – jekemenshik. Al bıylǵy jyly taǵy 98 balabaqsha ashylsa, jyl sońyna deıin qamtý deńgeıi 95%-ǵa jetetin bolady, – dedi A. Batalov.



Oblystyń bilim salasyna memlekettik-jekemenshik seriktestik tegigin qoldanýdaǵy tájirıbesi úlken. «Endi biz memleket pen bıznes áriptestiginiń basqa da formalaryn qoldana bastadyq. Bizdegi 41 jobanyń 8-i ótken jyly júzege asyrylsa, quny 9,6 mlrd. teńgelik 9-y bıylǵy jyldyń sońyna deıin mejelengen», – dep atap ótti oblys ákimi.

Almaty oblysy ákimi A.Batalovtyń Ortalyq komýnıkasıalar qyzmetindegi brefıngi

 

https://dalanews.kz/31757