Kaspii teńiziniń túbimen tartylǵan Transkaspii talshyqty-optikalyq bailanys jelisi qazan aiynda iske qosylady, dep habarlaidy dalanews.kz.
Bul týraly Úkimet otyrysynda Premer-ministrdiń orynbasary, Jasandy intellekt jáne tsifrlyq damý ministri Jaslan Mádiev málimdedi.
Onyń aitýynsha, qazirgi ýaqytta zamanaýi telekommýnikatsiialyq infraqurylymdy damytý boiynsha birqatar joba júzege asyrylyp jatyr.
Transkaspii talshyqty-optikalyq bailanys jelisi aiasynda Ázerbaijannyń Sýmǵaiyt qalasy jaǵalaýynan Aqtaý jaǵalaýyna deiin Kaspii teńiziniń túbimen 390 shaqyrym kabel tartylǵan.
«Transkaspii VOLS boiynsha Ázerbaijannyń Sýmǵaiyt jaǵalaýynan Aqtaý jaǵalaýyna deiin 390 shaqyrym kabel tartyldy. Iske qosý osy aiǵa josparlanǵan», – dedi Jaslan Mádiev.
Transkaspii VOLS jobasy 2019 jyly bastalǵan. Bastapqyda ony 2021 jylǵa deiin aiaqtaý josparlanǵanymen, joba merzimi keiin birneshe ret keiinge shegerilgen.
