جالپى سوڭعى ءۇش جىلدا الماتى وبلىسىندا «نۇرلى جول» باعدارلاماسى بويىنشا 82 جوبانى جۇزەگە اسىرۋعا 77،2 ملرد. تەڭگە بولىنگەن، سونىڭ 49 ملرد. تەڭگەسى – ءبىلىم بەرۋ نىساندارىنا ءبولىندى.
ورتالىق كوممۋنيكاسيالار قىزمەتىندە وتكەن برەفينگتە اماندىق باتالوۆ الماتى وبلىسىندا مەملەكەتتىك-جەكەمەنشىك سەرىكتەستىگىن جانداندىرۋ ناتيجەسىندە جىل سوڭىنا دەيىن بالالاردى بالاباقشامەن قامتۋ دەڭگەيى 95 %-كە جەتەتىنىن العا تارتتى.
– ماسەلەن، 2013 جىلى بالالاردى مەكتەپكە دەيىنگى مەكەمەلەرمەن قامتۋ كورسەتكىشىسى نەبارى 60%-دى قۇراسا، سوڭعى ءۇش جىل كولەمىندە 279 بالاباقشا اشىلعان. ونىڭ 88%-ى – جەكەمەنشىك. ال بيىلعى جىلى تاعى 98 بالاباقشا اشىلسا، جىل سوڭىنا دەيىن قامتۋ دەڭگەيى 95%-عا جەتەتىن بولادى، – دەدى ا. باتالوۆ.
وبلىستىڭ ءبىلىم سالاسىنا مەملەكەتتىك-جەكەمەنشىك سەرىكتەستىك تەگىگىن قولدانۋداعى تاجىريبەسى ۇلكەن. «ەندى ءبىز مەملەكەت پەن بيزنەس ارىپتەستىگىنىڭ باسقا دا فورمالارىن قولدانا باستادىق. بىزدەگى 41 جوبانىڭ 8ء-ى وتكەن جىلى جۇزەگە اسىرىلسا، قۇنى 9،6 ملرد. تەڭگەلىك 9-ى بيىلعى جىلدىڭ سوڭىنا دەيىن مەجەلەنگەن»، – دەپ اتاپ ءوتتى وبلىس اكىمى.
الماتى وبلىسى اكىمى ا.باتالوۆتىڭ ورتالىق كوممۋنيكاسيالار قىزمەتىندەگى برەفينگى
https://dalanews.kz/31757
