Qurylysy endi bastalǵan kezdegi qarapaiym alańnan búginde «Qazaqmys» korporatsiiasynyń qarjylandyrýymen eńse tiktep, ishki árleýi men abattandyrý jumystary aiaqtalýǵa jaqyn, 3 000 adamǵa shaqtalǵan záýlim de zamanaýi oblystyq meshitke ainaldy, dep habarlaidy Dalanews.kz.
Nysannyń qurylysy «Qazaqmys korporatsiiasy» JShS-nyń qarjylandyrýymen júzege asyrylýda. Taiaýda meshittiń ashylý saltanaty bolady.
Jańa meshit qazirdiń ózinde qala turǵyndarynyń nazaryn aýdarýda. Jezqazǵandyqtar nysannyń ashylýyn asyǵa kútip, áleýmettik jelilerde meshittiń fotosýretterimen jáne videosymen bólisýde. Qala turǵyndary meshittiń shahar kelbetinde erekshe oryn alatynyn atap ótýde.
Qurylystyń bastapqy kezeńi men qazirgi kelbetin salystyrý:
Jańa meshit qalanyń ortalyq bóliginde, Keńgir sý qoimasynyń jaǵalaýyna jaqyn jerde ornalasqan. Qazirgi ýaqytta nysandaǵy ishki árleý, injenerlik júielerdi montajdaý jáne irgeles aýmaqty abattandyrý jumystary aiaqtalý satysynda.
Meshit bir mezgilde 3 000 adamǵa deiin qabyldai alady jáne Ulytaý oblysyndaǵy eń iri dini nysandardyń birine ainalady.
Jobany iske asyrý Qazaqmystyń Jezqazǵan qalasy men óńirdiń áleýmettik infraqurylymyn damytýǵa qosqan úlesiniń bir bóligi bolyp tabylady. Kompaniia qalalyq ortany damytýǵa jáne qoǵam úshin mańyzdy nysandardy salýǵa baǵyttalǵan jobalardy qoldaidy.
