Almaty oblystyq kásipkerlik jáne indýstrialdy-innovatsiialyq damý basqarmasynyń málimetinshe, «Biznestiń jol kartasy – 2025» baǵdarlamasyna 9,1 milliard teńge, «Eńbek» baǵdarlamasy aiasynda qalalarǵa 279,5 million teńge, aýyldy jerlerge 6 milliard teńge bólingen.
Aita ketý kerek, Úkimet qabyldaǵan daǵdarysqa qarsy sharalardyń arqasynda oblysta 118 875 kásipkerlik sýbektileri salyqtyq jeńildikterge ie boldy. Al 641-i nesie alý úshin keiinge qaldyryldy.
«Atameken» Ulttyq kásipkerler palatasymen birge túsindirý jumystary júrgizilip, aimaqtaǵy kásiporyndardy qoldaýdyń daǵdarysqa qarsy josparlary jasalýda.
2019 jyly Almaty oblysynda shaǵyn jáne orta biznestiń jalpy qosylǵan quny 1050,0 milliard teńgeni qurady. Shaǵyn jáne orta biznestiń 2018 jylmen salystyrǵanda 33,6%-ǵa deiin ósti. Shaǵyn jáne orta biznes salasynda 2020 jyldyń qańtar-naýryzynda 251,5 myń adam jumyspen qamtylǵan. 2019 jyldyń sońynda óndiris kólemi 2018 jylmen salystyrǵanda 7%-ǵa ósip, 1 535,6 milliard teńgeni qurady (2018 jyly 1 367,7 milliard teńge).
Aǵymdaǵy jyldyń birinshi toqsanyndaǵy óndiris kólemi 260,7 milliard teńgeni qurady. Naqty kólem indeksi – 106,4%. Sonymen birge, birinshi jartyjyldyqta óndiristiń kútiletin kólemi 565,6 milliard teńgeni quraidy.
Naqty kólem indeksi – 100,5%. 2020 jylǵa arnalǵan jospar – 1 650,3 milliard teńge. 2020 jyldyń 8 aiynda biýdjetke ShOB-tan 70 milliard teńge tústi. Bul ótken jylmen salystyrǵanda 800 million teńgege artyq.
