الماتى وبلىستىق كەسٸپكەرلٸك جەنە يندۋستريالدى-يننوۆاتسييالىق دامۋ باسقارماسىنىڭ مەلٸمەتٸنشە, «بيزنەستٸڭ جول كارتاسى – 2025» باعدارلاماسىنا 9,1 ميلليارد تەڭگە, «ەڭبەك» باعدارلاماسى اياسىندا قالالارعا 279,5 ميلليون تەڭگە, اۋىلدى جەرلەرگە 6 ميلليارد تەڭگە بٶلٸنگەن.
ايتا كەتۋ كەرەك, ٷكٸمەت قابىلداعان داعدارىسقا قارسى شارالاردىڭ ارقاسىندا وبلىستا 118 875 كەسٸپكەرلٸك سۋبەكتٸلەرٸ سالىقتىق جەڭٸلدٸكتەرگە يە بولدى. ال 641-ٸ نەسيە الۋ ٷشٸن كەيٸنگە قالدىرىلدى.
«اتامەكەن» ۇلتتىق كەسٸپكەرلەر پالاتاسىمەن بٸرگە تٷسٸندٸرۋ جۇمىستارى جٷرگٸزٸلٸپ, ايماقتاعى كەسٸپورىنداردى قولداۋدىڭ داعدارىسقا قارسى جوسپارلارى جاسالۋدا.
2019 جىلى الماتى وبلىسىندا شاعىن جەنە ورتا بيزنەستٸڭ جالپى قوسىلعان قۇنى 1050,0 ميلليارد تەڭگەنٸ قۇرادى. شاعىن جەنە ورتا بيزنەستٸڭ 2018 جىلمەن سالىستىرعاندا 33,6%-عا دەيٸن ٶستٸ. شاعىن جەنە ورتا بيزنەس سالاسىندا 2020 جىلدىڭ قاڭتار-ناۋرىزىندا 251,5 مىڭ ادام جۇمىسپەن قامتىلعان. 2019 جىلدىڭ سوڭىندا ٶندٸرٸس كٶلەمٸ 2018 جىلمەن سالىستىرعاندا 7%-عا ٶسٸپ, 1 535,6 ميلليارد تەڭگەنٸ قۇرادى (2018 جىلى 1 367,7 ميلليارد تەڭگە).
اعىمداعى جىلدىڭ بٸرٸنشٸ توقسانىنداعى ٶندٸرٸس كٶلەمٸ 260,7 ميلليارد تەڭگەنٸ قۇرادى. ناقتى كٶلەم يندەكسٸ – 106,4%. سونىمەن بٸرگە, بٸرٸنشٸ جارتىجىلدىقتا ٶندٸرٸستٸڭ كٷتٸلەتٸن كٶلەمٸ 565,6 ميلليارد تەڭگەنٸ قۇرايدى.
ناقتى كٶلەم يندەكسٸ – 100,5%. 2020 جىلعا ارنالعان جوسپار – 1 650,3 ميلليارد تەڭگە. 2020 جىلدىڭ 8 ايىندا بيۋدجەتكە شوب-تان 70 ميلليارد تەڭگە تٷستٸ. بۇل ٶتكەن جىلمەن سالىستىرعاندا 800 ميلليون تەڭگەگە ارتىق.
