2025 jyldyń 25–30 qazan kúnderi Bahreın astanasy Manama qalasynda ótken aýyr atletıkadan jasóspirimder arasyndaǵy Azıa chempıonatynda Jetisý ýnıversıteti Dene shynyqtyrý jáne óner fakúltetiniń stýdenti Álıhan Áskerbaı altyn medal jeńip aldy, dep habarlaıdy Dalanews.kz
Álıhan 172 kelini eńserip, jasóspirimder arasynda álem, Azıa jáne Azıa oıyndarynyń rekordyn jańartty.
Julqa kóterýde – 144 keli, bul kórsetkish jasóspirimder arasyndaǵy jańa álemdik rekord retinde tirkeldi.
Serpe kóterýde de úzdik nátıje kórsetip, eki saıysta da chempıon atandy.
71 kelige deıingi salmaq dárejesinde óner kórsetken sportshymyz eki altyn medal ıelendi.
Jarys barysynda jalpy alty rekord ornatqan Álıhan Áskerbaıdy zor jetistigimen quttyqtaımyz!
Álıhannyń bul jeńisi – tek jeke jetistik emes, ol Qazaqstannyń sporttaǵy mereıin ústem etken úlken tabys. Jas chempıonnyń erik-jigeri men eńbekqorlyǵy talaı jasty shabyttandyryp, elimizdiń kók baıraǵyn álemdik arenalarda jelbiretti.
