Ǵylym qyzmetkerleri kúni qarsańynda I. Jansúgirov atyndaǵy Jetisý ýniversitetinde «Zamanaýi ustaz: intellekt, shabyt, sheberlik» atty HVI respýblikalyq pándik olimpiada ótti, – dep habarlaidy Dalanews.kz.
«6V013 – Pándik mamandandyrylmaǵan muǵalimderdi daiarlaý» baǵyty boiynsha ótken bilim saiysyna elimizdiń pedagogikalyq joǵary oqý oryndarynan 18 komanda qatysyp, baq synady.
Olimpiadanyń ashylý saltanatynda I. Jansúgirov atyndaǵy Jetisý ýniversitetiniń Basqarma tóraǵasy – rektory Ermek Bóribaev quttyqtaý sóz sóilep, elimizdiń ár óńirinen kelgen stýdentterge sáttilik tiledi.
Respýblikalyq pándik olimpiada tórt kezeń boiynsha uiymdastyryldy.
«Zamanaýi ustaz kelbeti» atty alǵashqy ainalymda komandalar ózderin tanystyrsa, «Kúsh – bilimde!» atty teoriialyq kezeńinde bolashaq pedagogtardyń kásibi bilimi men tapqyrlyǵy test tapsyrý arqyly synǵa tústi.
«Muǵalim – bilim siqyrshysy» atty úshinshi kezeńde komandalarǵa shyǵarmashylyq tapsyrma berildi. Onda saiyskerler syndarly oilaý, shyǵarmashylyq izdenis pen aqparatty tereń taldaý mashyǵyn kórsetti.
«Pedagogikalyq simfoniia» kezeńinde ashyq beine sabaqtar ótkizilip, bolashaq maman retinde sheberlikterin shyńdai tústi.
Olimpiada qorytyndysy boiynsha Sársen Amanjolov atyndaǵy Shyǵys Qazaqstan ýniversitetiniń «Ustaz Nation» komandasy úzdik dep tanylyp I oryndy jeńip aldy.
Abai atyndaǵy QazUPÝ– «AbaiStar’s» jáne Qorqyt ata atyndaǵy Qyzylorda ýniversitetiniń Syrwave – «Syr tolqyny» komandalary II oryndy ielendi.
III oryn Sh. Esenov atyndaǵy Kaspii tehnologiialar jáne injiniring ýniversiteti - «Yessenov Jastary», E. Bóketov atyndaǵy Qaraǵandy ýniversiteti - «Samruk», QazUQyzPÝ - «Inside» komandalaryna berildi.
Ýniversitet qabyrǵasynda alǵan teoriialyq bilimderin tájiribemen sheber ushtastyra bilgen ózge de komandalar «Shabyttandyrýshy ujym: intellekt jáne sheberlik», «Ziiatkerlik kóshbasshylar», «Pedagogikalyq ǵajaiyp jasaýshylar», «Zamanaýi bilim maitalmandary», «Jańa bilim sheberleri», «Bilim men shabyttyń ujymy», «Innovatsiialyq tásilderdiń sheberi», «Kásibi sheberliktiń úlgisi», «Kórermen kózaiymy», «Úzdik pedagogikalyq tájiribe», «Kreativti sabaq», «Eń shyǵarmashyl komanda», «Pedagogikalyq shabyt» nominatsiiasy boiynsha marapattaldy.
HVI respýblikalyq pándik olimpiadasy stýdentterdiń bolashaq mamandyǵyna qyzyǵýshylyǵyn arttyryp, kásibi qabiletin ashýǵa, bilimdi jastardy qoldaýǵa baǵyttalyp otyr.
